កាលពីព្រឹកថ្ងៃទី២៥ ខែសីហា ឆ្នាំ២០១៨ ដែលត្រូវជាថ្ងៃសែនក្បាលទឹក បងប្អូនប្រជាជនខ្មែរកាត់ចិនបានប្រារព្ធពិធីសែនជូនដល់ជីដូនជីតាតាមទំនៀមទម្លាប់ ប៉ុន្ដែអ្វីដែលគួរអោយកត់សម្គាល់នោះគឺមានបងប្អូនប្រើប្រាស់បណ្ដាញសង្គមស៊ែរចែករំលែកគ្នានូវការធ្វើពិធីនេះលើផ្លូវរបស់គ្រួសារមួយហើយថែមទាំងបិទផ្លូវទៀតផង ។

បើតាមការបកស្រាយរបស់គ្រួសារប្រារព្វពីធីបានអោយដឹងថា មុននឹងធ្វើពិធីនេះគាត់បានសុំច្បាប់មន្រ្តីមូលដ្ឋានរួចហើយ ហើយក៏មិនបានធ្វើយូរដែរ ពោលគឺប្រហែល១៥ទៅ២០នាទីប៉ុណ្ណោះ លុះដល់ចប់ពិធីគាត់ក៏ប្រញាប់បោសសម្អាតផ្លូវភ្លាមផងដែរដោយមិនទុកអោយមានសំណល់នៅយូរឡើយ ។ បន្ថែមលើសនេះគាត់បានរៀបរាប់ថា៖ «ប៉ា ... ថ្ងៃនេះជាថ្ងៃខួប៤៩&១០០ថ្ងៃប៉ាហើយណា កូនៗមិនបានធ្វើរោងអីធំដុំដូចគេទេប៉ា ... កាលប៉ានៅរស់មិនហ៊ានហូបរបស់ឆ្ងាញ់ មិនហ៊ានប្រើរបស់ល្អៗដូចគេទេ គឺរកបានទុកអោយកូនៗដើម្បីកុំអោយកូនៗពិបាកនៅថ្ងៃក្រោយ ... ប៉ានិយាយថាប៉ាធ្លាប់ឆ្លងកាត់ការពិបាកអស់ហើយ វេទនាណាស់ អត់លុយ គេមើលងាយណាស់ គ្មានអ្នកណាចង់រាប់រកយើងទេ ចឹងហើយប៉ាអត់ចង់អោយកូនៗពិបាកដូចប៉ាទេ ... ព្រោះតែចង់អោយកូនៗមានអនាគតល្អ មិនចង់អោយគេមើលងាយ ប៉ាសុខចិត្តលះបង់គ្រប់បែបយ៉ាងដោយមិនទាន់ស្គាល់ពាក្យថាស្រណុកសុកស្រួលយ៉ាងមិចផង ឥលូវប៉ាទៅចោលកូនៗនឹងម៉ាក់បាត់ ប៉ាគឺជាប៉ាដ៏ល្អខ្លាំងបំផុតសំរាប់គ្រួសារមួយនេះ ... កូនៗគ្មានអ្វីតបស្នងសងគុណប៉ាក្រៅពីរៀបចំពិធីទៅតាមប្រពីណៃទំនៀមទំលាប់ជូនប៉ាអោយអស់ពីលទ្ធភាពនៅអ្វីដែលគួរធ្វើអោយប៉ានោះទេ ចឹងសូមប៉ាមកទទួលយករបស់ទាំងអស់នេះមកណាប៉ា មានផ្ទះវីឡា មានឡាន មានមាសប្រាក់នឹងលុយយកទុកចាយចុះណាប៉ា បើប៉ានៅមានខ្វះកាត់អីប៉ាមកប្រាប់កូនៗមកណាប៉ា កូនៗនឹងធ្វើជូនប៉ាណាប៉ា ចាប់ពីពេលនេះទៅប៉ាឃ្លាតទៅឆ្ងាយពីពួកកូនៗមែនទែនហើយ ប៉ាទៅនៅឋានសួគ៍អោយបានសុខណាប៉ា លារហូតហើយប៉ា គ្មានថ្ងៃបានឃើញមុខប៉ា បានហៅប៉ាទៀតទេប៉ាអើយប៉ា» ៕ Credit: Mrr Gui