ភ្នំពេញ៖ តារាសម្តែងស្រីរូបស្អាត សាច់សរម៉ដ្ឋរលោង មានរូបរាងសិចស៊ី គួរឲ្យក្នក់ក្នាញ់ កញ្ញា បេនី យ៉ាំង ថ្មីៗនេះ ហ៊ានបង្ហាញមុខមាត់ខណៈកំពុងវះកាត់ថ្មីៗ នៅក្នុងបណ្តាញសង្គមរបស់ខ្លួន ធ្វើឲ្យអ្នកគាំទ្រជាច្រើនមានការភ្ញាក់ផ្អើលមិនស្ទើរនោះទេ។

នៅក្នុងពិភពសិល្បៈ នាពេលកន្លងមក គេសង្កេតឃើញថា ហាក់មិនសូវបង្ហាញវត្តមាននៅក្នុងវិស័យសិល្បៈប៉ុន្មានឡើយ ដោយសារតែកញ្ញាជាប់រវល់នឹងមុខរបរលក់ផលិតផលតាមអនឡាញផ្ទាល់ខ្លួន។ ទោះបីជាយ៉ាងណាក៏ដោយ តារានេះរូបត្រូវបានទស្សនិជន ដឹងស្ទើគ្រប់គ្នាថា បានកែសម្ផស្សអស់ជាច្រើនដងទៅហើយ ដោយរាល់ពេលដែលកែម្តងៗគឺឃើញមុខពិតជាប្លែកមែនទែន តែអ្វីដែលកាន់តែសំខាន់នោះគឺ នាងមិនធ្លាប់បង្ហាញមុខមាត់ ខណៈកំពុងវះកាត់នោះទេ។ នាងក៏បានទៅកែសម្ផស្សនៅឯប្រទេសថៃម្តងទៀត ដោយក្នុងនោះនាងបានកែច្រមុះបន្ថែម និងផ្នែកត្របកភ្នែក។ នៅក្នុងនោះនាងក៏បានបង្ហាញវីដេអូ ខណៈពេលដែលកំពុងវះកាត់ ធ្វើឲ្យអ្នកគាំទ្រជាច្រើនសឹងមិនគួរឲ្យជឿនោះទេ។ បន្ថែមនៅក្នុងនោះ តារារូបនេះក៏បានរៀបរាប់ពីការចូលវះកាត់លើកនេះថា៖«ត្របកភ្នែករបស់នាង បានវះកាត់លើកឡើងពាក់កណ្តាល រីឯច្រមុះរបស់នាងវះកាត់លើកនេះ គឺមិនអាចដូចដើម១០០ភាគរយនោះទេ ព្រោះតែនាងបានវះកាត់អស់ច្រើនដងមកហើយ »៕ ចំពោះទស្សនិជនដែលគាំទ្ររូបនាង ក៏បានលាន់មាត់ថា ទាំងរូបរាង សម្រស់ និងមុខមាត់ ស្អាតប៉ុណ្នឹងហើយ​ នៅទៅវះកាត់កែសម្ផស្សទៀត ចង់ជ្រាបកាន់តែច្បាស់ សូមទស្សនាវីដេអូខាងក្រោមនេះ៖