សូមលោកផ្កាយ ៣ កើត ប៉ូលីន ចេញមុខបកស្រាយបំភ្លឺការពិតផង... នារីម្នាក់បានអះអាងថា បានចាញ់បោកលោក ៣ កើត ប៉ូលីន អស់ទឹកប្រាក់រាប់ម៉ឺនដុល្លារ សូមគោរពសំពះ ទៅដល់ សម្ដេចនាយករដ្ឋមន្ត្រី ហ៊ុន សែន និងលោកជុំទាវ មេត្តាជួយរកយុត្តិធម៏ឲ្យនាងខ្ញុំផង...(មានវីដេអូ)

បើយោងតាមផេក របស់លោក ផែង វណ្ណៈ បានធ្វើការបង្ហោះពីរឿងរ៉ាវ ដែលមិននឹកស្មានមួយ ដោយនារីរងគ្រោះរស់នៅអាមេរិក ស្រែករកយុត្តិធម៏ ព្រោះតែលោក ផ្កាយ៣ ឈ្មោះ កើត ប៉ូលីន បោកប្រាស់គាត់រហូតអស់ទឹកប្រាក់ជាង ៣ ម៉ឺនដុល្លារ ក្លាយជាប្រធានបទដ៏ក្តៅបំផុត តើនេះជារឿងពិតឬយ៉ាងណា?

លោកផែង វណ្ណៈ បានរៀបរាប់នៅក្នុងផេករបស់លោកថា "នារីនៅអាមេរិកម្នាក់អះអាងថាចាញ់បោកលោកផ្កាយ៣ កើត ប៉ូលីន អស់ប្រាក់រាប់ម៉ឺនដុល្លារ រឿងក្ដីលោកផ្កាយបី កើត ប៉ូលីន អគ្គនាយករង អគ្គនាយកដ្ឋានសំភារៈ បច្ចេកទេស ដែលត្រូវបាននារីម្នាក់នៅអាមេរិកចោទប្រកាន់ថា បានបោកប្រាស់គាត់រហូតអស់ទឹកប្រាក់ជាង ៣ ម៉ឺន ដុល្លារ កំពុងក្លាយទៅជាព័ត៌មានដែលមហាជនតាមដានបំផុត ថាតើរឿងនេះពិតឬយ៉ាងណា ? តាមរយៈភស្តុតាងជាឯកសារវេលុយពីអាមេរិកមកអោយលោកផ្កាយ៣ កើត ប៉ូលីន និង តាមរយៈ សារឆ្លើយឆ្លងគ្នារវាងលោកផ្កាយ៣ កើត ប៉ូលីន ជាមួយនារីរងគ្រោះ លោកផ្កាយ ៣ កើត ប៉ូលីន គឺពិតជាមានឈ្មោះលោកផ្កាយ ៣ កើត ប៉ូលីន ទទួលលុយ និង មានឆាតគំរាមនារីរងគ្រោះពិតប្រាកដមែន ។ បន្ទាប់ពីមានផ្ទុះរឿងអាស្រូវនេះកើតឡើង លោកផ្កាយ ៣ កើត ប៉ូលីន មិនទាន់ប្រតិកម្មឆ្លើយតបចំពោះការចោទប្រកាន់នេះនៅឡើយទេ ។ ករណីនេះជារឿងបុគ្គល ដូច្នេះលោក កើត ប៉ូលីន គួរតែចេញមុខបកស្រាយបំភ្លឺការពិតដើម្បីកុំអោយប៉ះពាល៉ដល់កិត្តិយសនាយទាហានជាន់ខ្ពស់ និង ស្ថាប័នកងទ័ព" ។

យ៉ាងណាមិញ នៅក្នុងគណនីហ្វេសប៊ុករបស់នារីរងគ្រោះដែលមានឈ្មោះថា Vanny Heng បានរៀបរាប់ទាំងហួសចិត្តថា "8 .25 .2018 ជុំរាបសួរបងប្អូនទាំងអស់គ្នានឹងខ្ញុំសូមគោរពសំពះទៅដល់សម្ដេចនាយករដ្ឋមន្ត្រីហ៊ុនសែននឹងលោកជុំទាវនឹងឯកឧត្តម ថ្ងៃនេះនាងខ្ញុំសូមនិយាយអំពីររឿងលោកផ្កាយបីបោកប្រាស់លុយរបស់ខ្ញុំខ្លះៗនឹងសូមបងប្អូនខ្លះទៀតកុំយល់ច្រឡំរឿងផ្សេងអីពីរព្រោះនាងខ្ញុំជាជនរងគ្រោះម្នាក់ហើយបានជួបហើយពិតជាឈឺចាប់ណាស់ នាងខ្ញុំលើកដៃសំពះពីរចម្ងាយសូមលោកសម្ដេចនាយករដ្ធមន្ត្រីនឹងលោកឯកឧត្ដមសូមជួយរកយុត្តិធម៌អោយនាងខ្ញុំផងខ្ញុំសូមអគុណ ????"។