ខេត្តកណ្តាលៈ កាលពីវេលាម៉ោង៥ៈ៣០នាទីល្ងាច នៅថ្ងៃអាទិត្យទី២៦ ខែសីហា ឆ្នាំ២០១៨ ចន្លោះគីឡូម៉ែត្រលេខ១៧.១៨ ត្រង់ចំណុចភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល។ មានករណីគ្រោះថ្នាក់ចរាចរណ៏មួយ រវាងម៉ូតូមួយគ្រឿង ម៉ាកហុងដាសេ១២៥ សេរីឆ្នាំ២០១៧ ពាក់ផ្លាកលេខ 2.AH 8414 បើកបរដោយឈ្មោះ បាន សូនី ភេទប្រុស អាយុ ២៦ឆ្នាំ មានទីលំនៅភូមិ ព្រៃផ្ញា ឃុំ រំចេក ស្រុក ព្រះស្តេច ខេត្ត ព្រៃវែង។ ឌុបនារីម្នាក់មានឈ្មោះ តាំ សុីម ភេទស្រី អាយុ ២៩ឆ្នាំ មានទីលំនៅភូមិ.ឃុំកើតហេតុជាមួយគ្នា។ មកបុកជាមួយម៉ូតូមួយគ្រឿងទៀត ម៉ាកវីវ៉ា សេរីឆ្នាំ២០១៦ ពាក់ផ្លាកលេខ 1H.1210 បើកបរដោយឈ្មោះ ស៊ូ វ័ល្ល ភេទប្រុស អាយុ ៤៨ឆ្នាំ មានទីលំនៅភូមិស្រែអំពិល ឃុំឈើទាល ស្រុកកៀនស្វាយខេត្តកណ្តាល។

បណ្ដាលឲ្យ រងរបួសយ៉ាងធ្ងន់ ទាំង៣នាក់ ហើយត្រូវបានប្រជាពលរដ្ឋ តេទូរស័ព្ទហៅរថយន្តសាមុយដឹកយកទៅព្យាបាលនៅមន្ទីរពេទ្យឯភ្នំពេញ។ ចំណែកម៉ូតូទាំងពីគ្រឿង ត្រូវបានជំនាញចរាចរណ៏ស្រុកកៀនស្វាយ ធ្វើការវាស់វែង ហើយយកទៅរក្សាទុកនៅអធិការដ្ឋាននគរបាលស្រុកកៀនស្វាយ រង់ចាំជនរងគ្រោះទាំងសងខាងធ្វើការសម្របសម្រួលគ្នាពេលក្រោយ ៕