នេះហើយជីវិតអ្នកក្រ...ក្មេងប្រុសម្នាក់ ដើររើសអេតចាយ តាមផ្លូវ ដើម្បីចិញ្ចឹមម្តាយ និងយាយ តែពេលនេះ ប្អូនត្រូវបានអាអ៊ិចកាយដែកកប់ប្អូនកំពុងតែកាយរកអេតចាយនោះ...

នៅក្នុងគណនីហ្វេសប៊ុករបស់បងប្រុស Phalla Phorn លោកពុកម៉ែ បងប្អូនជាច្រើនបានស្គាល់ជាពិសេស បងប្អូនដែលរស់នៅម្តុំចោលសម្រាម ព្រោះថាបងប្រុសតែងតែ ទៅជួយដល់ពួកគាត់ ផងដែរ។ យ៉ាងណាមិញ បងប្រុសក៏បានលើកឡើងនៅក្នុងគណនីហ្វេសប៊ុក របស់បងប្រុស បានរៀបរាប់ពីខ្សែជីវិតរបស់ប្អូនប្រុសម្នាក់ ខំប្រឹងដើររើសអេតចាយ ដើម្បីចិញ្ចឹមម្តាយ និងយាយ រាល់ថ្ងៃ អ្វីដែលគួរឲ្យអនិច្ចានោះ ក្នុងពេលដែលប្អូនប្រុសដើររើសអេតចាយនោះ ក៏ត្រូវអាអ៊ិចកាយដែកកប់ពីលើអំឡុងពេលប្អូនកំពុងកាយរកអេតចាយ។ ជាក់ស្តែងនៅក្នុងគណនីហ្វេសប៊ុករបស់បងប្រុសបានរៀបរាប់យ៉ាងដូច្នេះថា៖

"ខ្ញុំបានតាមរកក្មេងដែលដើររើសអេតចាយដើម្បីចិញ្ចឹមម្តាយ និង យាយរបស់ខ្លួននោះឃើញហើយ ។ ប្អូនត្រូវបានអាអ៊ិចកាយដែកកប់ពីលើកំឡុងពេលប្អូនកំពុងកាយរកអេតចាយ។ ប្អូនត្រូវសន្លប់ក្រោមទំងន់ដែកដ៏ធ្ងន់ ហើយភ្លៅរបស់ប្អូនត្រូវបាក់ជាពីរកំនាត់ ។ ក្រោយមកប្អូនត្រូវបានកាយចេញពីក្រោមដែក ដែលកប់ទៅក្នុងសម្រាម។ អ្វីៗដែលឃើញនឹងភ្នែកផ្ទាល់វាពិតជារន្ធត់ខ្លាំងណាស់ ។ ប្អូនត្រូវបានដឹកទាំងមេឃភ្លៀងដើម្បីយកទៅផ្ទះ។ វាជាអាយុថ្លៃរបស់ប្អូន ដែលប្អូនបានរួចផុតពីការបាត់បង់ជីវិតមួយនេះ ដោយគ្រប់គ្នាដែលបានឃើញ គិតថាប្អូនបានស្លាប់បាត់ទៅហើយ។ យ៉ាងណាមិញ ប្អូនកំពុងរងចាំទទួលការវះកាត់ដាក់ដែកក្នុងភ្លៅរបស់ប្អូន ។ ខ្ញុំបានសួរពេទ្យ ពេទ្យថាមិនទាន់អាចដំណើរការវះកាត់បានទេឥលូវនេះ ដោយសាប្អូនខ្សោយពេក និងមិនមានឈាមគ្រប់។ ដោយក្តីអាណិតទៅដល់ប្អូន ដែលខ្ញុំទើបតែបានជួបប្អូន ព្រមទាំងមើលឃើញពីការខំប្រឹងប្រែងរបស់ប្អូនក្នុងការជួយយាយ និងម្តាយកំសត់នោះ ខ្ញុំពេញចិត្តក្នុងការរ៉ាប់រងព្យាបាលជំងឺរបស់ប្អូនតាមដែលអាចធ្វើទៅបាន ហើយក៏សូមអរគុណយ៉ាងខ្លាំងទៅដល់ប្អូន Pov Linda ដែលបានរួមសហការណ៍ឧបត្ថមជួយប្អូនជាមួយខ្ញុំ ។ #ជួយដើម្បីផ្តល់ក្តីសង្ឃឹម #ជួយដើម្បីផ្តល់ស្នាមញញឹម #ខ្ញុំជួយអ្នកជួយ #យើងរួមគ្នាជួយទាំងអស់គ្នា"។