ភ្នំពេញ៖ រថយន្ដការីបាឡែនមួយគ្រឿងបើកបរក្នុងល្បឿនលឿនមិនប្រយ័ត្នជ្រុលបុករបាំងថ្មពុះចែកទ្រូងផ្លូវយ៉ាងពេញទំហឹងបណ្ដាលអោយខូចខាតអស់ចំនួនបីកង់ ចំណែករថយន្ដដាក់កង់មុខផ្នែងខាងឆ្វេងបន្តដំណើរទៅមុខលេងរួច។

ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០២និង២០នាទីរំលងអាធ្រាតឈានចូលថ្ងៃអង្គារ ទី២៨ ខែសីហា ឆ្នាំ២០១៨ នៅចំណុចស្តុបក្ដាន់ពីរ តាមបណ្ដោយមហាវិថីសហព័ន្ធរុស្សី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។ ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្ដបង្កម៉ាកកាមរីបាឡែន ពណ៍ស្ក ពាក់ស្លាកលេខភ្នំពេញ1AI-0101 បើកបរដោយបុរសជនជាតិចិនម្នាក់ បានធ្វើដំណើរតាមបណ្ដោយផ្លូវសហព័ន្ទរុស្សុី ទិសដៅពីកើតទៅលិច ក្នុងល្បឿនយ៉ាងលឿង ខណៈមកដល់ចំណុចកើតហេតុក៏ជ្រុលចង្កូតបុករបាំងថ្មពុះចែកទ្រូងផ្លូវពេញ បណ្ដាលឲ្យរបាំងថ្មខូចខាតអស់ចំនួនបីកង់ ឯរថយន្តបង្កបានបាច់កាឡែកង់មុខផ្នែកខាងឆ្វេងយ៉ាងដំណំផងដែរ។ ក្រោយពីបង្កហេតុម្ចាស់រថយន្ដបង្កចុះបងពីថយន្ដគេចខ្លួនបាត់ ដោយបន្សល់រថយន្ដទុកនៅកន្លែងកើតហេតុ។ ក្រោយមកទើបកម្លាំងសមត្ថកិច្ចមូលដ្ឋានសហការជាមួយកម្លាំងជំនាញចុះធ្វើការវាស់វែងស្ទួចយករថយន្ដបង្កទៅរថយន្ដទុកនៅការិយាល័យចរាចរណ៍រាជធានីភ្នំពេញរងចាំម្ចាស់រថយន្ដចូលខ្លួនមកដោះស្រាយតាមផ្លូវច្បាប់៕ ដោយៈ ភារ៉ា