បុរសខ្លាំង!!! សម្ថតកិច្ចឃាត់ខ្លួនសន្តិសុខក្លឹបហ្គោលឡាញម្នាក់ ក្រោយពីស្រវឹងវាយទ្រព្យសម្បត្តិ របស់គេតាមដងផ្លូវ ក្នុងខណ្ឌសែនសុខ

ភ្នំពេញៈ កាលពីវេលាម៉ោង៣ៈ៣០នាទីទៀបភ្លឺ ថ្ងៃទី២៨ ខែសីហា ឆ្នាំ២០១៨ ត្រង់ចំណុចខាងមុនមន្ទីរពេទ្យសែនសុខ តាមបណ្ដោយផ្លូវ១៩៨៦ កែងនិងផ្លូវ១០១១ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ បុរសជាសន្តិសុខក្លឹបហ្គោលឡាញម្នាក់ មានឈ្មោះ ពេជ្រ ប៊ុន្ថា ភេទប្រុស អាយុ៣៣ឆ្នាំ ជាសន្តិសុខយាមក្លឹបហ្គោលឡាញ ស្នាក់នៅបន្ទប់ជួលក្បែរកន្លែកើតហេតុ។ ត្រូវបានសមត្ថកិច្ចចាប់ឃាត់ខ្លួន បន្ទាប់ពីរស្រវឹងស្រាជោកជាំ ហើយដើរស្រែកតាមផ្លូវ និងវាយកញ្ចក់កង់បីឥណ្ឌមួយគ្រឿង របស់ឈ្មោះ វ៉ា រី ភេទប្រុស អាយុ៣៣ឆ្នាំ ជាអ្នកបើកម៉ូតូកង់បី ស្នាក់នៅម្តុំពោធិ៍ចិនតុង ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ។ ដែលធ្វើដំណើរតាមដងផ្លូវបណ្តាលឲ្យបែក ខណៈពេលដែលបុរសចិត្តខ្លាំងរូបនោះដើរឆ្លងផ្លូវ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនបង្កខាងលើរួមទាំងបុរស២នាក់ផ្សេងទៀត បានធ្វើដំណើរថ្មើរជើង តាមបណ្ដោយផ្លូវ១៩៨៦ ក្នុងទិសដៅពីកើតទៅលិច និងក្នុងស្ថានភាពស្រវឹង ដោយដើរបណ្តើរជនបង្កខាងលើស្រែករកអ្នកណាខ្លាំងបណ្តើរ។ លុះដើរមកដល់ចំណុចកើតហេតុជនបង្កខាងលើ ក៏បានដើរឆ្លងផ្លូវទៅផ្លូវម្ខាងទៀត តែម្នាក់ឯង។ ហើយខណ:ពេលដែលដើរឆ្លងបានពាក់កណ្ដាលផ្លូវក៏ស្រាប់តែមានម៉ូតូកង់បីឥណ្ឌាមួយគ្រឿងម៉ាក បាចា ពណ៌ស ពាក់ស្លាកលេខ ភ្នំពេញ 1HD-6332 ដែលបើកបរដោយបុរសម្នាក់ និងដឹងនារីម្នាក់ពីក្រោយ តាមបណ្តោយផ្លូវ១៩៨៦ ក្នុងទិសដៅពីកើតទៅលិច។ ពេលនោះស្រាប់ជនបង្កខាងលើបានឈប់នៅកណ្តាលផ្លូវ ហើយចង្អុលមុខជនរងគ្រោះស្រែកឲ្យឈប់កង់បី។

បន្ទាន់មកជនរងគ្រោះក៏បានឈប់ម៉ូតូកង់បី ពីចម្ងាយប្រមាណ១០ម៉ែត្រពីជនបង្កខាងលើ។ ភ្លាមៗនោះស្រាប់តែជនបង្កខាងលើ រត់សំដៅទៅវាយកញ្ចក់ម៉ូតូកង់បី របស់ជនរងគ្រោះមួយដៃបណ្ដោយឲ្យបែកស្រាំ ហើយក៏កើតជាឈ្លោះប្រកែកគ្នាយ៉ាងតឹងសរសៃក ហើយក៏ត្រូវប្រជាពលរដ្ឋ ដែលនៅក្បែរនោះជួយចាប់ឃាត់និងបានរាយក៏ជូនសមត្ថកិច្ចមូលដ្ឋានឲ្យជួយមកអន្តរាគមន៍។ ដោយឡែកជនបង្កខាងលើ ត្រូវបានសមត្ថកិច្ចប៉ុស្តិ៍នគរបាលរដ្ឋបាលភ្នំពេញថ្មី កសាងសំណុំរឿងបញ្ជូនខ្លួនទៅអធិការដ្ឋាននគរបាលខណ្ឌសែនសុខ ដើម្បីចាត់ការទៅតាមនីតិវិធីច្បាប់៕