ភ្នំពេញ៖ កម្លាំងការិយាល័យប្រឆាំងការជួញដូរមនុស្ស និងការពារអនីតិជន នៃបញ្ជាបញ្ជាការដ្ឋានកងរាជអាវុធហត្ថរាជធានីភ្នំពេញ ចាប់ខ្លួនជនសង្ស័យម្នាក់ ដែលបានលួងលោមសុំរួមរ័កមេត្រីជាញឹកញាប់ រហូតដល់១អាទិត្យយ៉ាងតិច២ដងឯណោះ រឿងរ៉ាវមួយនេះបានដឹងដល់ឪពុកក្មេងស្រី បានដាក់ពាក្យបណ្តឹងតែម្តង ដែលហេតុការណ៍នេះបានកើតឡើង កាលពីវេលាម៉ោង ២និង១៥នាទីរសៀល ថ្ងៃទី២៦ ខែសីហា ឆ្នាំ២០១៨ នៅចំណុចក្នុងវត្តស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ ។

ជនសង័្សយឈ្មោះ ផាន ផេន ហៅរតនា ភេទប្រុស អាយុ២១ឆ្នាំ មុខរបរ បើកបរ ស្នាក់នៅផ្ទះមិនចាំលេខ ផ្លូវ៣៥៨ សង្កាត់ទួលស្វាយព្រៃ ខណ្ឌចំការមន ។ ចំណែកជនរងគ្រោះមានឈ្មោះ ឈ្មោះ ស.ច.យ អាយុ១៤ឆ្នាំ។ ក្មេងស្រីរងគ្រោះរងបានប្រាប់ថា រូបនាងត្រូវបានជនសង័យលួងលោមរួមភេទជាច្រើនដងមកហើយ ដោយការរួមភេទលើកដំបូង នៅថ្ងៃទី២០ ខែមេសា ឆ្នាំ២០១៨ ម៉ោងប្រហែល៦និង៣០នាទីយប់ ក្នុងរថយន្ដ នៅម្ដុំក្រោយសាលាទួលស្វាយព្រៃ និងក្រោយៗមកទៀត ជនសង្ស័យរូបនេះបាននាំនាងទៅរួមភេទ នៅផ្ទះសំណាក់ម្តុំស្ទឹងមានជ័យ ១ដងទៅ២ដង ក្នុង១អាទិត្យ ។ ក្រោយពីទទួលបានពាក្យបណ្តឹងពីឪពុកជនរងគ្រោះដែលមានឈ្មោះថា ចៅ សុខ អាយុ៤៦ឆ្នាំ ស្នាក់នៅផ្ទះឆ៣០២ ភូមិ១២ សង្កាត់វាលវង់ ខណ្ឌ៧មករា ភ្លាម កម្លាំងការិយាល័យជំនាញ បានចុះនាំខ្លួនជនសង្ស័យខាងលើ នៅចំណុចក្នុងវត្តស្ទឹងមានជ័យ មកធ្វើការសាកសួរតាមនីតិវិធី ៕ ដោយ៖ អាខ្មៅ