ធ្វើជាឪគេ តែចរឹកអន់ជាង......មិនចង់និយាយទេ!!! កូនស្រីនិយាយប្រាប់ម៉ែថា ម៉ែខ្ញុំរាំងរដូវ បាត់ជាង៣ខែហើយ ដល់ពេលម៉ែនាំទៅពេទ្យ ពេទ្យបា្រប់ថា នាងមានផ្ទៃពោះ៥ខែហើយ ម្តាយសួរអ្នកណារំលោភកូន កូនឆ្លើយថា...ប៉ារំលោភខ្ញុំ

កណ្តាលៈ ក្រោយពីទទួលបានពាក្យបណ្តឹងពីម្ដាយមីងកុមារីរងគ្រោះ កាលពីថ្ងៃទី២៨ ខែសីហា ឆ្នាំ២០១៨ សមត្ថកិច្ចនគរបាលស្រុកស្អាង បានធ្វើឃាត់ខ្លួនបុរសម្នាក់ មានឈ្មោះ ផាត់ តឿ ភេទប្រុស អាយុ៣៣ឆ្នាំ (ឪពុកបង្កើតរបស់កុមារីរងគ្រោះ) មុខរបរ កសិករ មានទីលំនៅភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្ដាល។ បានធ្វើសកម្មភាព ចាប់រំលោភសេពសន្ថវៈ លើកូនបង្កើតជាអនិតិជន មានអាយុ១២ឆ្នាំ មុខរបរ ស៊ីឈ្នួលប៉ាក់ស្បៃ។ ការពីអំឡុងខែកក្កដា ឆ្នាំ២០១៧ វេលាម៉ោង៧យប់ នៅលើទូកខាងកើតព្រែកជីក ភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្ដាល។

ពាក់ព័ន្ធករណីរំលោភ ខាងលើនេះ ជនសង្ស័យបានមកយកកូនស្រី ចេញពីស៊ីឈ្នួលគេវិញ ជនសង្សយ័បានយកទូកមកចម្លងកូនស្រី ពេលនោះជនសង្យ័បានលួងលោមរួមភេទជាមួយកូន តែកូនមិនព្រម រួចគំរាមថាបើមិនព្រមឲ្យអញ អញវាយងាប់ឥឡូវ ពេលរំលោភរួច កូនស្រីនិយាយថា ចាំមើលទៅដល់ផ្ទះខ្ញុំប្រាប់ម៉ែ ពេលនោះ ជនសង្ស័យគំរាមថា បើហ៊ានប្រាប់ម៉ែហ្អែងអញសម្លាប់ចោល។ ជនសង្ស័យតែងតែរំលោភកូនរហូតជាបន្តបន្ទាប់ ដោយគំរាមកូនមិនឲ្យនិយាយប្រាប់ម្ដាយនិងអ្នកដទៃ បើហ៊ាននិយាយ និងសម្លាប់ចោល។ កុមារីគ្រោះបាននិយាយប្រាប់ម៉ែថា ម៉ែខ្ញុំរាំងរដូវ បាត់ជាង៣ខែហើយ។ ភ្លាមនោះម្ដាយជនរងគ្រោះបានទៅទិញឧបករណ៍ពិនិត្យទឹកនោម ពេលទិញបានហើយក៏ធ្វើការពិនិត្យទឹកនោមឃើញថា មានផ្ទៃពោះ មិនទុកចិត្តក៍ទៅអោយពេទ្យពិនិត្យមន្ថែមទៀត ពេទ្យបា្រប់ថានាងមានផ្ទៃពោះរយៈពេល៥ខែហើយ រួចម្តាយក៏លួចសួរកូនថា កូនឯងប្រាប់ម៉ែឲ្យត្រង់មកមានខូចខិលជាមួយនរណា ? កូនឆ្លើយថា ប៉ារំលោភខ្ញុំ ៕