មិនរស់ទេ!!! ចុងភៅ២០០នាក់ និងអ្នកបម្រើ ៥០០នាក់ ស្ទើរដាច់ខ្យល់ នៅពេលម្ចាស់ហាងប្រកាសថា ចំណាយជាង១.៥$ អាចហូបអាហារមួយឆ្អែត នៅរមណីយដ្ឋានទេសចរណ៍ល្បីល្បាញ ក្នុងខេត្តហឺណាន

នៅរមណីយដ្ឋានទេសចរណ៍ល្បីល្បាញមួយកន្លែង នៅខេត្តហឺណាន ប្រទេសចិន បានប្រកាសជាដំណឹង ទៅ ភ្ញៀវទេសចរណ៍ថា អាចបរិភោគ “មួយទំហឹង” បាននៅអាហារគ្រប់មុខ គ្រាត់តែចំណាយត្រឹមតែ ១០យាន់ តែប៉ុនណោះ (ជិត១.៥ដុល្លារ)។ បានធ្វើឲ្យមនុស្សរាប់ម៉ឺននាក់ សម្រុកមកបរិភោគអាហារ តម្លៃថោកនៅរមណីយដ្ឋានទេសចរណ៍ភ្នំម៉តតាវ សឹងគ្រប់គ្នា រកកន្លែងអង្គុយគ្មាន។

តាមការឧទ្ទេសនាមរបស់ចុងភៅ ភ្ញៀវទេសចរណ៍ជាច្រើន ត្រូវបានបម្រើអាហារយ៉ាងសម្បូរបែប មានដូចជា ស៊ុបប្រមាណ១០មុខ ត្រីចៀន សាច់ជ្រូកខពងទា ផ្សិតឆាជាមួយសាច់តៅហ៊ូ បន្លែសុទ្ធ…។ និងមានចុងភៅប្រមាណ ២០០នាក់ និងអ្នកបម្រើ ៥០០នាក់ បានចូលរួមក្នុងពិធី “មហាជប់លៀង” នេះ។

ថ្វីត្បិតបើកទ្វារតាំងពីព្រឹកព្រលឹម តែដោយភ្ញៀវច្រើនពេកធ្វើឲ្យពិធី “ជប់លៀង” នេះអូសបន្លាយរហូតដល់យប់ជ្រៅ ។ តុអង្គុយស្ទើរតែពុំមានសល់ហើយពេលណាក៏ពេញដែរ ជាហេតុនាំឲ្យចុងភៅនិងបុគ្គលិក ត្រូវធ្វើការជាប់ដៃគ្មានពេលសម្រាក…។ តាមការប៉ាន់ស្មាន ថ្ងៃដំបូងមានភ្ញៀវប្រមាណ ២០.០០០នាក់ បានមកបរិភោគ។

ភ្នំម៉តតាវ ជារមណីយដ្ឋានដ៏ល្បីល្បាញនៅទីក្រុងលូយ៉ាង ខេត្តហឺណាន ប្រទេសចិន ក្រៅពីទេសភាពគួរឲ្យគយគន់ អាកាសធាតុត្រជាក់ និងប្រវត្តិសាស្ត្រដ៏ល្បីល្បាញ គេនៅបានដឹងទៀតថា វាជាកន្លែងបញ្ចុះសពកំពូលអ្នកប្រាជ្ញចិន Lao Tzu ស្ថាបនិកសាសនាព្រះពុទ្ធនៅចិនទៀតផង ៕