រាជធានី​ភ្នំពេញ ៖ ម្តាយកូននេនតូចមួយអង្គដើររកកូនអស់រយៈពេល៤ថ្ងៃមកហើយនៅតែមិនឃើញ ចិត្តជាម្តាយពិតជាមានក្តីបារម្ភខ្លាំងណាស់ ព្រោះថាសុខភាពរបស់កូននេនតូចរូបនេះ មិនសូវល្អផង។

បើតាមការឲ្យដឹងពីកូននេនតូចមួយអង្គដែលគង់នៅវត្តជាមួយគ្នា បានប្រាប់ថា កូន​នេន​រូបនោះ បាន​ជួល​ម៉ូតូ​រ៉ឺ​ម៉ក​កង់​បី​១​គ្រឿង​ជិះ​ចេញពី​វត្ត​ដោយ​ប្រាប់​ថា ទៅ​និមន្ត​បិណ្ឌ​បាត្រ ប៉ុន្តែ​មិនដឹង​ថា ទៅ​បិណ្ឌ​បាត្រ​នៅ​កន្លែង​ណា​នោះ​ឡើយ នេះអស់រយៈពេលបួនថ្ងៃមកហើយ បើគិតមកដល់ថ្ងៃនេះ។ បើតាមសម្តីអ្នកម្តាយកំសត់ បានប្រាប់ថា កូន​នេន​ដែល​បាត់ ព្រះ​នាម ម៉ូ​វ សុទី ព្រះ​ជន្ម​១១​វស្សា គង់នៅ​វត្ត​ព្រៃ​ស្ពឺ ក្នុងភូមិ​ព្រៃ​ស្ពឺ សង្កាត់​ចោម​ចៅ ខណ្ឌ​ពោធិ៍​សែន​ជ័យ ។ កូននេនមាន​ជំងឺ​រលាកស្រោមខួរបានបញ្ជូនទៅ​សង្គ្រោះ​​នៅ​មន្ទីរពេទ្យ​គន្ធ​បុប្ផា​​ទើបតែ​ជា​សះស្បើយ​ចេញពី​មន្ទីរពេទ្យ​កាលពី​ពេល​ថ្មី​ៗ​ប៉ុណ្ណោះ ។ ចំណែក​ស្ត្រី​ជា​ម្ដាយ​ឈ្មោះ​លឹ​ម គី​ន​លាង អាយុ​៥៥​ឆ្នាំ ស្នាក់​នៅផ្ទះ​ជួល​ក្នុងភូមិ​កំ​រៀង សង្កាត់​ព្រៃវែង ខណ្ឌដង្កោ រាជធានី​ភ្នំពេញ ។ ស្រ្តីដែលជាម្តាយនោះបានបន្តថា នេះរយៈពេល៤ថ្ងៃហើយ នៅតែគ្មានដំណឹងអ្វីសោះ ដែលជាហេតុធ្វើឲ្យគាត់កើតក្តីបារម្ភយ៉ាងខ្លាំង។ អ្នកម្តាយរូបនោះក៏បានរៀបរាប់បន្តទៀតថា កាលពីប៉ុន្មានថ្ងៃមុន កូននេនរូបនេះ មានជំងឺរលាកស្រោមខួលធ្ងន់ធ្ងរ បានបញ្ជូនទៅមន្ទីរពេទ្យគន្ធបុប្ផាជាច្រើនថ្ងៃ​ ទំរាំតែបានជាសះស្បើយ ។ នគរបាលក្រោយពីទទួលពាក្យបណ្តឹងរួចមក ក៏ចាប់ផ្តើម​ធ្វើការ​ស្រាវជ្រាវ​រក។ ដោយ៖ អាខ្មៅ