ឧត្តរមានជ័យៈ នៅថ្ងៃសុក្រ ទី២១ ខែកញ្ញា ឆ្នាំ២០១៨ ស្ថិតនៅផ្សារសាមគ្គីត្រពាំងប្រាសាទ ស្រុកត្រពាំងប្រាសាទ ខេត្ដឧត្ដរមានជ័យ។ មន្ត្រីសាខាកាំកុងត្រូលខេត្តឧត្ដរមានជ័យសហការជាមួយមន្ដ្រីមន្ទីរពាណិជ្ជកម្មខេត្ដ និងអាជ្ញាធរដែនដី បានចុះត្រួតពិនិត្យផលិតផលទំនិញដាក់តាំងលក់ដើម្បីស្វែងរកទំនិញខូចគុណភាពហួសកាលបរិច្ឆេទប្រើប្រាស់និងធ្វើការផ្សព្វផ្សាយអំពីផលប៉ះពាល់លើគុណភាពទំនិញ សុវត្ថិភាពម្ហូបអារហារ ផល់អាជីវករក៏ដូចប្រជាពលរដ្ឋ។
ជាលទ្ធផល បានដកហូតទំនិញហួសកាលបរិច្ឆេទប្រើប្រាស់ មានទឹកក្រូច តែអូអឺឈិ ទឹកសណ្ដែកនិងស្ករគ្រាប់ផងដែរ បានធ្វើការដកហូតនិង រក្សាទុក ដើម្បីដុតកម្ទេចចោលនាពេលក្រោយ។ ក្នុងឱកាសនោះ ដែរ យើងខ្ញុំបានណែនាំដល់បងប្អូនអាជីវករ ក៏ដូចប្រជាពលរដ្ឋដើម្បីឲ្យគាត់ មានការយល់ដឹង អំពីសុវត្ថិភាព ម្ហូបអាហារ របៀបការដាក់តាំងលក់ ទំនិញឲ្យមានអនាម័យ ជៀសវាងការចម្លងថ្នាំពលឬថ្នាំសម្លាប់សត្វល្អិតទៅទំនិញសម្រាប់បរិភោគផងដែរ៕