ប្រជាពលរដ្ឋរាប់សិបនាក់ ភាគច្រើនជាបុរស បានផ្អើលនាំគ្នាដណ្តើមរើស ស្រាបៀរអង្គរ ដែលកំពុងតែជ្រុះរាយប៉ាយពេញផ្លូវ ជាច្រើនរយកេស។ តាមរយៈខ្សែវិដេអូមួយ បានបង្ហាញពីសកម្មភាពហ្វូងមនុស្សប្រុសស្រី កំពុងធ្វើសកម្មភាពរើសស្រាបៀរម៉ាកអង្គរ ប្រភេទកំប៉ុងច្រកបាវ ខ្លះច្រកដាក់ក្នុងអាវ ទៅតាមទំហំនៃការចង់បានរបស់ខ្លួន។
បើយោងតាមគណនីហ្វេសប៊ុកមួយដែលមានឈ្មោះថា តាសុីក្លូ ផេក បានរៀបរាប់ថា "ក្រុងព្រះសីហនុ កាលពីយប់ថ្ងៃទី27 កញ្ញា ឆ្នាំ2018 មានករណីរថយន្តដឹកស្រាបៀរមួយគ្រឿងបានដាច់ហ្វ្រាំងនៅតាមបណ្តោយផ្លូវជាតិលេខ4 ផ្លូវបត់ចូលទៅតំបន់សេដ្ឋកិច្ចពិសេសបិតត្រាំង បណ្តាលអោយក្រឡាប់ចាក់ស្រាបៀរចោលពេញលើផ្លូវ ហើយក៏ត្រូវបានប្រជាពលរដ្ឋដែលនៅក្បែរនោះនាំគ្នីគ្នាមករើសយកទៅផ្ទះរៀងៗខ្លួនដោយមិនអានិតដល់ម្ចាស់រថយន្តដែលគ្នាបានជួបគ្រោះថ្នាក់ហើយត្រូវបាត់បង់ស្រាបៀរអស់ជាច្រើនថែមទៀត"។
មកដល់ពេលនេះ មិនទាន់មានការបញ្ជាក់ពីអាជ្ញាធរ ឬភាគីខាងក្រុមហ៊ុនអោយបានច្បាស់ពីករណីប្រជាពលរដ្ឋនាំគ្នារើសកំប៉ុងស្រាបៀរអង្គរនេះនៅឡើយនោះទេ៕
មានវីដេអូ៖
ប្រភព៖ តាសុីក្លូ ផេក