បន្ទាប់ពីមានការបង្ហោះសារព្រមានយ៉ាងខ្លាំងពីសំណាក់អ្នកនយោបាយវ័យក្មេង ធី សុវណ្ណថា ទៅ ចំប៉ីខ្មៅ (ហេង យិន) ក្នុងរយៈពេលមិនលើស២៤ម៉ោង ក៏ឃើញវត្តមាន ចំប៉ីខ្មៅ ចេញមុខសុំទោសជាសាធារណៈផងដែរ ប៉ុន្ដែរឿងនេះនៅមិនទាន់ចប់ឡើយព្រោះនៅមុននេះបន្ដិចកញ្ញា ធី​ សុវណ្ណបានបន្ដបង្ហោះសារថា មិនទទួលការសុំទោសរបស់ ចំប៉ីខ្មៅ (ហេង យិន) ឡើយ ។

កញ្ញា ធី សុវណ្ណថា បានសរសេររៀបរាប់ថា៖ «ឆ្លើយសំនួរ តើ​ ធី​ សុវណ្ណថា​ មានសិទ្ធិអ្វីប្តឹង​ Heng yin? ១​/ តាមច្បាប់​ ពលរដ្ឋខ្មែរ មានសិទ្ធដាក់ពាក្យប្តឹង ២​/ ធី​ សុវណ្ណថា​ ជាប្រធានអង្គការយុវជនកិច្ចការសង្គម ជាស្ថាប័នកិច្ចការសង្គម​ ទទួលស្គាល់​ដោយ​ក្រសួងមហាផ្ទៃ​ ៣​/ ធី​ សុវណ្ណថា​ ជាសមាជិក​ និងជាមន្ត្រីនៃ​សមាគមសិល្បៈ​ ដែលជាស្ថាប័នជំនាញសិល្បៈ​ ទទួលស្គាល់ដោយក្រសួង​វប្បធម៌​ និងវិចិត្រសិល្បៈ​ ។

យោងតាមច្បាប់​ និងតួនាទីរបស់ខ្ញុំ​ខ្ញុំមានសិទ្ធគ្រប់គ្រាន់​ ដាក់ពាក្យប្តឹង​ Heng yin ដែល​ Heng Yin បានប្រមាថលើវប្បធម៌ជាតិនិងប្រមាថលើប្រជាជនកម្ពុជា​ហើយការសូមទោសរបស់​ Heng Yin មានឥរិយាបថមិនសមរម្យ​ និងរឹងរុសមិនព្រមលុប ការ​ផូសផ្សាយប្រមាថ​ លើវប្បធម៌ជាតិខ្មែរ

តាមការព្រមានរបស់ខ្ញុំទេ​ ហើយរហូតមកដល់ថ្ងៃនេះ​ នៅតែផូសផ្សាយប្រមាថជនជាតិខ្មែរ​ នាងខ្ញុំ​ និងសមាគមសិល្បៈ​ មិនទទួលយកការសូមទោសបែបនេះទេ​ ។

មានអ្នករិះគន់ខ្ញុំថា​ខ្ញុំប្តឹង​ ព្រោះចង់បានមុខមាត់​ ជាការសម្តែង​...អ្នកក៏អាចដាក់ពាក្យប្តឹងដែរ​ រឺចូល​រួមសម្តែងដែរ​សូមអញ្ជើញ​...​ តែបើមិនហ៊ានទេ​ សូមឈប់ព្រុសជាបន្ទាន់​ ប្រយ័ត្ន​បានចូលរួមសំដែងដែរពីបទ “រារាំង​ការដាក់ពាក្យបណ្តឹង” ហើយបានទៅសម្តែងក្នុងគុក​ រឺបានរត់ទៅសម្តែងនៅក្រៅស្រុក​

“សូមប្រយ័ត្ន​ ការអត់ធ្មត់ខ្ញុំ​ មានដែនកំណត់”“វប្បធម៌រលត់ ជាតិរលាយវប្បធម៌ពណ្ណរាយ ជាតិថ្កើងថ្កាន”វប្បធម៌ជាតិខ្មែរ​ដ៏ឧត្តុង្គឧត្តម​ កូនខ្មែរគ្រប់គ្នាមានកាតព្វកិច្ចការពារ​ ថែរក្សាវប្បធម៌ជាតិយើងបើមិនគាំទ្រខ្ញុំ​ក៏តាមចិត្ត​ តែកុំរិះគន់ខ្ញុំក្នុងរឿងនេះ​

សូមអ្នកដែលរិះគន់​ខ្ញុំ​ សូមទទួលជ្រាប...ពីនាងខ្ញុំ​ ធី​ សុវណ្ណថា» ៕