ឃ្លាមួយពោលថា «ជីវិតមនុស្សស្រីមានសំណាងបំផុតពេលបានប្ដីល្អ ហើយរឹតតែសំណាងធំនោះគឺមានឪពុកម្ដាយក្មេកចិត្តល្អ» ។ ជាការពិតណាស់មនុស្សស្រីគ្រប់រូបតែងប្រាថ្នាចង់បានបុរសល្អម្នាក់មកសាងវិថីជីវិតរួមគ្នាឆ្ពោះទៅរកសុភមង្គល ។ សំណាងរបស់មនុស្សស្រីមិនមែនបានប្តីអ្នកមាន ឬ ប្ដីសង្ហារទេ ប៉ុន្ដែជាការទទួលបានប្តីដែលយល់ចិត្ត ជួយយកអសារគ្នា ចំណាយពេលខ្លះ នៅជាមួយគ្នា ឬផ្ដល់ភាពកក់ក្ដៅឲ្យប្រពន្ធទៅវិញទេ។
ជាក់ស្ដែងកាលពេលថ្មីៗនេះមានគណនីហ្វេសប៊ុកមួយឈ្មោះ Pich Armara បានបង្ហោះបង្ហាញពីអារម្មណ៍របស់ខ្លួនចំពោះស្វាមី បានទទួលការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់បណ្ដាញសង្គមហ្វេសប៊ុក នឹងឆក់យកចិត្តពួកវគេឲ្យស្លុងទៅតាមសាច់រឿងរបស់អ្នកទាំងពីរ។
សំណេរបង្ហាញពីអារម្មណ៍ទាំងនោះបានរាប់បានថា «ខ្ញុំគិតថា ខ្ញុំមានសំណាងហើយដែលកើតមកបានស្វាមីដ៏ល្អម្នាក់ចូលមកមើលថែ រ៉ាប់រង់ជីវិតរបស់ខ្ញុំ ប្តីល្អមិនមែនអត់មានសោះនោះទេនៅក្នុងលោកនេះ យ៉ាងណាក្នុងចំណោមដប់នាក់ក៏ត្រូវតែមានម្នាក់ក្នុងនោះដែរ។
បងតែងតែមើលថែប្រពន្ធពេលដែលប្រពន្ធឈឺ ពេលដែលប្រពន្ធមានផ្ទៃពោះធ្វើការងារខ្លះៗដែលធ្លាប់ធ្វើពីមុនមកមិនកើត គាត់បានជួយកិច្ចការងារលក់ដូរ ដាំបាយ លាងចាន បោកខោអាវ ធ្វើម្ហូបដែលប្រពន្ធចង់ញាំ ជូតខ្លួនទាំងទឹកក្តៅ ទឹកត្រជាក់ បងមិនចេះប្រកាន់ មិនដែលរអ៊ូថាហត់ថាលំបាក ខំប្រឹងធ្វើការ សុខចិត្តពិបាកខ្លួនឲ្យតែប្រពន្ធសប្បាយចិត្ត និងមានក្តីសុខ អូនគ្មានពាក្យអ្វីក្រៅពីពាក្យថាអរគុណហើយ អូនក៏នៅតែសង្ឃឹមជានិច្ចថា ការស្រលាញ់មួយនេះបងនឹងថែរក្សាវាឲ្យអូនជារៀងរហូតដល់យើងចាស់កោងខ្នង I love you daddy»។
