ចប់ហើយ...មន្ត្រីសាខាកាំកុងត្រូល ពិនិត្យឃើញមានសារធាតុគីមីហាមឃាត់ ប៉ូរ៉ាក់ នៅក្នុងគុយទាវសរសៃរតូច
កាលពីថ្ងៃទី២២ ខែតុលា ឆ្នាំ២០១៨ មន្ត្រីសាខាកាំកុងត្រូលខេត្តព្រៃវែង សហការជាមួយមន្ត្រីមន្ទីរពាណិជ្ជកម្ម និងគណៈកម្មការផ្សារ បានចុះត្រួតពិនិត្យទំនិញ ដែលដាក់តាំងលក់នៅផ្សារសាមគ្គីកអណ្តើក ស្រុកកំពង់ត្របែក ខេត្តព្រៃវែង។ នៅក្នុងការចុះត្រួតពិនិត្យ នោះក្នុងនោះ មានសរសៃគុយទាវ នំបញ្ចុក នំបាញ់ហយ ត្រីប្រលាក់ ស្ករត្នោត សណ្តែកបណ្តុះ សរុប ៨ គំរូ ដោយក្នុងនោះមានបញ្ហាតែលើសរសៃគុយទាវប៉ុណ្ណោះ។
ជាលទ្ធផល ក្នុងការត្រួតពិនិត្យ បានរកឃើញ គុយទាវសរសៃរតូច ចំនួន១២គីឡូក្រាម មានផ្ទុកសារធាតុគីមីហាមឃាត់ ប៉ូរ៉ាក់ (Borax)។
បន្ទាប់មកមន្ត្រីកាំកុងត្រូលបានធ្វើការណែនាំនិងធ្វើកិច្ចសន្យា ផ្តិតមេដៃ ដល់ម្ចាស់ផលិតគុយទាវ ដោយធ្វើការកែប្រែក្នុងការផលិត និងបានធ្វើកំណត់ហេតុដកហូតគុយទាវ យកទៅកំទេចចោល។
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។