សម័យ​បច្ចុប្បន្ន​នេះ​បច្ចេកវិទ្យា​កាន់តែទំនើប​ ជាពិសេស​ទូរស័ព្ទ​ដៃកាន់តែ​វិវត្តន៍​ទៅ​មុខ ដែលមាន​លក្ខណៈ​ជា​ស្មាតហ្វូន​ រីឯ​​មនុស្សវិញមាន​លទ្ធភាព​ក្នុងការប្រើប្រាស់ស្ទើតែគ្រប់គ្នាទៅហើយ​ ហើយការលេង​ហ្គេម​ក៏​កាន់តែ​មានភាពងាយស្រួល​ ដោយពួកគាត់មិនចាំបាច់ចំណាយពេលវេលាដើម្បីទៅកន្លែង​ដែលមាន​កុំព្យូទ័រ​ដូចកាលពីមុនទៀតនោះឡើយ។

ងាកមកនិយាយពីអំពីហ្គេមដ៏មាន​ប្រជាប្រិយ​នៅក្នុង​ទូរស័ព្ទ​ស្មាតហ្វូន​នាពេល​បច្ចុប្បន្ន​នេះវិញ​ ហ្គេម​ RULE និង​ PUBG គឺជា​ប្រភេទ​ហ្គេម​អនឡាញ​ ដែល​មានលក្ខណៈ​បាញ់ប្រហារ​គ្នា​ ហើយក្នុង​បច្ចុប្បន្ន​នេះ​ពិតជាមានអ្នកលេងច្រើនខ្លាំងណាស់​ មិនថាតែមនុស្សប្រុសនិងមនុស្សស្រីទេរួមមានទាំងក្មេងៗមួយចំនួនធំក៏មានការពេញនិយមលេងនៅហ្គេមមួយនេះដែរ​​ អ្វីដែល​ពិសេសនោះគឺពួកគេអាចធ្វើការ​សន្ទាគ្នា​ខណៈ​ពេលដែលកំពុងលេងទៀតផង។

ដោយឡែក​ ក្រុម​អ្នក​លេងហ្គេម​ RULE មួយ​ក្រុម​ ត្រូវ​បានប៉ូលីសធ្វើការឃាត់ខ្លួនដោយសារតែមានការយល់ច្រលំនៅពេលដែលពួកគាត់បាន​សន្ទាគ្នា​តាមរយៈ​ទូរស័ព្ទ​នៅពេល​ដែលកំពុងតែលេង​ តោះមកស្តាប់ប្អូនប្រុសដែលមាន​គណនី​ហ្វេសបុក​ឈ្មោះ​ ​ San To Tha Ravy ធ្វើ​ការរៀបរាប់ដោយមានខ្លឹមសារទាំងស្រុងថា:

«រឿងពិត សូមប្រយ័ត្នផង All bro នៅក្បែរវិមានឯករាជ្យ កាលពី​ម្សិលមិញពេលល្ងាច team របស់ពួកខ្ញុំកំពុងតែលេងហ្គេម​ Rules ហើយគ្នាពួកខ្ញុំក៏បានស្រែថា​ ពួកហែងមានកាំភ្លើងទេ​ គ្នាខ្ញុំប្រាប់ថាមាន ហើយមួយសន្ទុះក្រោយមកក៏មានប៉ូលីស ហើយនិងប្រជាការពារទាំងអស់៣នាក់​ បានមកឃាត់ពួកខ្ញុំនិងឲ្យពួកខ្ញុំលើកដៃឡើងលើ បន្ទាប់​មកក៏ចាប់ឆែកឆែពួកខ្ញុំ ទាំងដែលពួកខ្ញុំមិនបានដឹងរឿងអី្វសោះ។

ហើយពួកខ្ញុំក៏បានសួរគាត់ថាទៅវិញថាតើពួកខ្ញុំខុសអី្វ​ ហើយគាត់ក៏បានប្រាប់ថា មានគេមករត់ទៅប្តឹងពួកគាត់ថា ក្រុមខ្ញុំមានកាំភ្លើង ហើយខ្ញុំក៏បានប្រកែកប្រាប់គាត់ថា ពួកខ្ញុំគ្មានអ្វីជាប់និងខ្លួនទាំងអស់ គឺមានតែទូរស័ព្ទហើយនិងសាក់ការដូរតែប៉ុណ្ណោះ តែពួកគាត់នៅតែសង្ស័យលើពួកខ្ញុំ រហូតដល់មានអ៊ុំប្រុសម្នាក់ដែលបានទៅប្តឹងប៉ូលីសមក ហើយក៏ស្រែកប្រាប់ទៅប៉ូលីសថា ពួកវាហ្នឹងហើយដែលមានកាំភ្លើង​ រហូតដល់តែនាំពួកខ្ញុំទៅប៉ុស្តិប៉ូលីស ទើបដឹងការពិតអស់អារម្មណ៍លេង Rules ហើយ»។

ប្រភព៖ San To Tha Ravy