មែនទែនហើយ...ធី សុណ្ណថា ដាក់ពាក្យប្ដឹង ហេង យិន (ចំប៉ីខ្មៅ) រួចហើយមុនទៅកូរ៉េ១ខែ
កាលពីថ្ងៃទី១៣ ខែវិច្ឆិកា ឆ្នាំ២០១៨កន្លងទៅម្សិលមិញនេះ បើយោងតាមប្រភពគណនេយ្យហ្វេសប៊ុករបស់កញ្ញា ធី សុវណ្ណថា បានអោយដឹងថា កញ្ញាបានដាក់ពាក្យប្ដឹងហេង យិន (ចំប៉ីខ្មៅ) រួចហើយ។
កញ្ញាបានរៀបរាប់អោយដឹងថា «សារផ្ញើជូន ពូមីងបងប្អូន ជនរួមជាតិករណី ហេង យីន (Heng yin) ប្រមាថវប្បធម៌ខ្មែរនាងខ្ញុំ បានដាក់ពាក្យប្តឹងរាយការណ៍ រួចរាល់ហើយស្នើសុំការបកស្រាយ និងចំណាត់ការ ពីលោកជំទាវភឿង សកុណា រដ្ឋមន្ត្រីក្រសួងវប្បធម៌ និងវិចិត្យសិល្បៈ ករណីនេះ សូមលោកជំទាវ និងមន្ត្រីជំនាញវប្បធម៌ជួយបកស្រាយ និងចាត់វិធានការតាមការគួរ... ពេលនេះ នាងខ្ញុំមានភារកិច្ច១ខែ នៅប្រទេសកូរ៉េ នាងខ្ញុំ កំពុងរងចាំការឆ្លើយតប នាងខ្ញុំនឹងបន្តតាមដានករណីនេះ ពេលនាងខ្ញុំត្រឡប់ទៅស្រុកខ្មែរវិញ....ដោយក្តីគោរព ពីនាងខ្ញុំ ធី សុវណ្ណថា» ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។