រតនគិរីៈ កាលពីព្រឹកទី១៤ ខែវិចិ្ឆកា ឆ្នាំ២០១៨នេះ គោញីចំនួន៦ក្បាល បានងាប់ជាបន្តបន្ទាប់ នៅក្នុងចម្ការដំឡូងមី និងចម្ការស្វាយចន្ទី របស់ឈ្មោះ ណាត ភេទប្រុស ស្ថិតនៅភូមិចង ឃុំញ៉ាង ស្រុកអណ្តូងមាស។
យោងតាមរបាយការណ៍នគរបាលស្រុកអណ្តូងមាស បានឲ្យដឹងថា ម្ចាស់គោ ទី១.ឈ្មោះ សល់ ចេល ភេទប្រុស អាយុ៥៦ឆ្នាំ គោ២ក្បាលងាប់។ ២.ឈ្មោះ រចំ ផង់ ភេទប្រុស អាយុ៣៣ឆ្នាំ គោ១ក្បាលងាប់។ ៣.ឈ្មោះ សល់ គ័រ ភេទប្រុស អាយុ៣៥ឆ្នាំ គោ១ក្បាលងាប់។ ៤.ឈ្មោះ សេវ គ្លីន ភេទប្រុស អាយុ៤៥ឆ្នាំ គោ១ក្បាលងាប់។ រីឯ គោ១ក្បាលទៀតងាប់ នៅពុំទាន់រកម្ចាស់ឃើញនៅឡើយទេ។
លោកបានបន្តទៀតថា ការសន្និដ្ឋានរបស់មណ្ឌលសុខភាពឃុំញ៉ាង ពីការងាប់សត្វគោចំនួន៦ក្បាលនោះ គឺមកពីគោស៉ីស្លឹកដំឡូងមីពុលថ្នាំ សម្រាប់ម្ចាស់បាញ់ប៉ូវដំឡូងមីនោះ។ អធិការនគរបាលស្រុកអណ្តូងមាស មិនអាចសុំការបំភ្លឺបានទេ នៅល្ងាចថ្ងៃទី១៤ ខែវិច្ឆិកានេះ ពាក់ព័ន្ធករណីងាប់គោ៦ក្បាល របស់ប្រជាពលរដ្ឋ នៅក្នុងចម្ការដំឡូងមីខាងលើ តើម្ចាស់ចម្ការមានសំណងសងទៅលើម្ចាស់គោ ឮមួយយ៉ាងណានោះ ៕
