កាសែត Wall Street Journal បានរាយការណ៍កាលពី ថ្ងៃចន្ទថាក្រុមហ៊ុន Apple Inc បានកាត់បន្ថយការបញ្ជាទិញក្នុង​រយៈពេលប៉ុន្មានសប្តាហ៍ចុងក្រោយនេះសម្រាប់ម៉ូដែល iPhone ទាំងបីដែលបានបើកដំណើរការកាលពីខែកញ្ញា។

តម្រូវការទាបជាងការរំពឹងទុកសម្រាប់ទូរស័ព្ទ iPhone ថ្មីនិងការសម្រេចចិត្តរបស់ក្រុមហ៊ុន Apple ក្នុងការផ្តល់​ជូននូវ​ម៉ូឌែល​កាន់តែច្រើនបានធ្វើឱ្យកាន់តែពិបាកក្នុង ការស្មានទុកជាមុនអំពីចំនួនគ្រឿងបន្លាស់និងទូរស័ព្ទដែលក្រុមហ៊ុនត្រូវការ។

ក្រុមហ៊ុន Apple មានការភ្ញាក់ផ្អើលជាខ្លាំងចំពោះវិនិយោគិនកាល​ពីប៉ុន្មានសប្តាហ៍មុន​ដោយមានការព្យាករណ៍ការលក់​ទាប​ជាងការរំពឹង​ទុកសម្រាប់ត្រីមាស​បុណ្យណូអែលដែលជំរុញអោយអ្នកផ្គត់ផ្គង់​មួយចំនួនផ្តល់ការ​ព្រមាន​ដែល​បង្ហាញ​ពីការ​ធ្លាក់​ចុះនៃការលក់ទូរស័ព្ទ iPhone ថ្មី។

ការប៉ាន់ស្មានមានបញ្ហាជាពិសេសសម្រាប់ទូរស័ព្ទ iPhone XR ដោយក្រុមហ៊ុន Apple បានកាត់បន្ថយផែនការ​ផលិត​កម្មរបស់​ខ្លួនរហូតដល់ទៅមួយភាគបីនៃចំនួនជិត 70 លានគ្រឿងដែល​អ្នកផ្គត់ផ្គង់មួយចំនួន​ត្រូវបានស្នើ​សុំឱ្យផលិត​ចន្លោះ​ខែ​កញ្ញា​និង​កុម្ភៈ។

កាសែតនេះបានរាយការណ៍ថាថ្មីៗ នេះដែរកាលពីសប្តាហ៍មុនក្រុមហ៊ុន Apple បាន​ជូន​ដំណឹង​ទៅ​អ្នក​ផ្គត់ផ្គង់​ជាច្រើន​ថា​វា​បាន​បន្ថយផែនការផលរបស់ខ្លួនម្តងទៀតសម្រាប់ទូរស័ព្ទ iPhone XR ។

ក្រុមហ៊ុននេះបានចាប់ផ្តើមលក់ទូរស័ព្ទជំនាន់ចុងក្រោយរបស់ខ្លួនគឺ iPhone XS និង XS Max កាលពីក្នុងខែកញ្ញានិងម៉ូដែល XR នៅក្នុងខែតុលា។

ក្រុមហ៊ុនអេបផលមិនបានឆ្លើយតបទៅ នឹងការស្នើសុំបញ្ចេញមតិណាមួយនៅខាងក្រៅម៉ោងធ្វើការធម្មតាឡើយ។

(រាយការណ៍ដោយ Kanishka Singh នៅ Bengaluru ការកែប្រែដោយ Gopakumar Warrier)

ប្រភព: រ៉យទ័រ

អត្តបទបកប្រែដោយ: ផានិត