ចាប់ពីឆ្នាំ២០១៩នេះទៅ សិស្សអនុវិទ្យាទាំងអស់ អាចយកកុំព្យួទ័រ ឬ ប្រព័ន្ទឌីជីថល មកសាលារៀនបាន ដើម្បីជំនួយដល់ការសិក្សារបស់ពួកគេ

ម៉ាឡេស៊ី: លោក Teo Nie Ching រដ្ឋមន្រ្តីក្រសួងអប់រំបានថ្លែងនៅថ្ងៃទី៦ ខែធ្នូនេះថា ចាប់ពីឆ្នាំ២០១៩នេះទៅសិស្សអនុវិទ្យាល័យទាំងអស់ នឹងអាចនាំយកកុំព្យូទ័រ ឬប្រព័ន្ទឌីជីថល ទៅសាលាដើម្បីជំនួយដល់ការសិក្សាដល់សិស្សគ្រប់ៗគ្នា។ បច្ចុប្បន្ននេះការផ្លាស់ប្តូរនេះផ្តោតតែលើសិស្សអនុវិទ្យាល័យ វិទ្យាល័យ និងនិស្សិតដែលអាចនាំយកឧបករណ៍ទាំងនេះមកសំរាប់ជំនួយក្នុងការសិក្សាបន្ថែម។ លោកTeo Nie Ching បានមានប្រសាសន៍បន្តទៀតថាគ្មានផែនការពីក្រសួងដើម្បីផ្គត់ផ្គង់ឧបករណ៍ឥតគិតថ្លៃដល់សិស្សដើម្បីប្រើប្រាស់នូវឧបករណ៏ឌីជីថលនោះទេ គឺសិស្សអាចប្រើប្រាស់កុំព្យួទ័រនិង ប្រព័ន្ទឌីជីថលជាសំភារះសិក្សាផ្ទាល់ខ្លួនបាន។

សិស្សអនុវិទ្យាល័យទាំងអស់ និងបានស្រាវជ្រាវនូវឯកសារបន្ថែមទៅលើការសិក្សារបស់ពួកគេ។ នេះបើយោងតាមកាសែត The Sun Daily បានបន្ថែមទៀតថា ក្រសួងអប់រំនឹងតាមដានសកម្មភាពរបស់សិស្សក្នុងការសិក្សា។ ប្រព័ន្ទឌីជីថលនេះនឹងអនុញ្ញាតឱ្យមានការរៀនសូត្រគ្រប់ទីកន្លែងក៏ដូចជាអនុញ្ញាតឱ្យសិស្សនិងនិស្សិតទទួលបានចំណេះដឹងលើសពីថ្នាក់រៀននិងបង្កើតឲ្យមានគុណភាពនៃការអប់រំ។

គួរបញ្ជាក់ថា ក្រសួងអប់រំធ្វើបែបនេះគឺចង់ឲ្យសិស្សានុសិស្សបង្កើនការសិក្សាស្រាវជ្រាវប្រកបដោយគុណភាពដែលអាចទទួលយកបាន។ សិស្សនិស្សិតទាំងនេះត្រូវបានអនុញ្ញាតឱ្យនាំយកឧបករណ៍សិក្សារបស់ពួកគេទៅសាលារៀនដើម្បីជំនួយដល់សិក្សា សូមជួយ ចែករំលែកគំនិតរបស់អ្នកជាមួយយើងក្នុងមតិយោបល់នេះផង។