ស្មាតហ្វូន OPPO R17 Pro ពណ៌ជម្រើស​​ថ្មី ការរចនាឡើងប្រកបដោយភាពទាក់ទាញ សម្រាប់ឆ្នាំ​ថ្មី២០១៩
ស៊ីហៀង
- 964

 ក្រុមហ៊ុន OPPO បានបន្ថែមជម្រើសពណ៌ថ្មីបែប Edition សម្រាប់ទូរសព្ទម៉ូឌែល R17 និង R17 Pro ជាផ្លូវការ សម្រាប់ការអបអរសម្រាប់ឆ្នាំថ្មី ២០១៩ដែលទើបតែចូលមកដល់ថ្មីៗនេះ។ ស្មាតហ្វូននេះ មានជម្រើសពណ៌ថ្មី  ២ ពណ៌ រួមមាន​ស្ទ្រីមពណ៌ខៀវ, ណេអុងពណ៌ស្វាយ។ ចំពោះផ្នែកតួខ្លួន មានស្រោបដោយពណ៌ខៀវ ពណ៍ស្វាយ ចំណែកវ័ន្ធ​ព័ទ្ធ​កាមេរ៉ា, ស្មាតហ្វូន OPPO នេះនិងចេញលក់ក្នុងឆ្នាំ ២០១៩។

សម្រាប់ទូរសព្ទម៉ូឌែល R17 Pro គឺមានជម្រើស 2 ពណ៌រួចមកហើយ ក្នុងអំឡុងពេលប្រកាសចេញ ជាផ្លូវការ រួមមាន ពណ៌ Radiant Mist និងពណ៌ Emerald Green ចំណែកជម្រើស New Year Edition វាជាពណ៌ទី៣ ដែលក្រុមហ៊ុន OPPO បានបញ្ចេញមក សម្រាឆ្នាំថ្មីនេះ។


ដើមឆ្នាំ២០១៩ នេះ ក្រុមហ៊ុន OPPO បានធ្វើការបញ្ចេញជម្រើសពណ៌ថ្មី ជាប្រភេទ Edition ថ្មីមកមួយទៀត ដែលមាន​ឈ្មោះ​ហៅ​ជាផ្លូវការថា R17 Pro King of Glory Edition។ ស្មាតហ្វូននេះ ត្រូវបានរចនាឡើងជាមួយនឹងពណ៌បៃតង ស្រដៀង​នឹង​ពណ៌ Emerald Green ដែរ ប៉ុន្តែនៅផ្នែកខាងក្រោយ យើងឃើញមានការបន្ថែមរូបតំណាងហ្គេម King of Glory និង​មាន​​ខ្សែឆ្នូត នៅ​ផ្នែកលើក្រោម ជាម៉ូតដូចនៅក្នុងហ្គេម មួយនេះ ផងដែរ។ នៅលើផ្នែកអេក្រង់ គឺមាន​បន្ថែម​ជាមួយនឹង Theme រូបតំណាងក្នុងហ្គេម King of Glory ដោយវានឹងបង្ហាញ នៅពេលប៉ះអេក្រង់ ដែលមើលទៅ​កាន់​តែ​ទាក់​ទាញ។


OPPO R17 Pro King of Glory Edition នេះ នៅតែរក្សាទំហំអេក្រង់ ៦.៤ អ៊ីញ ប្រភេទ AMOLED, បំពាក់ស៊ែនស័រស្កេនម្រាមដៃ​បង្កប់ក្នុង​អេក្រង់, កាមេរ៉ាមុខទំហំទំហំ២៥ មេហ្គាភិចសែល មានកម្រិត Aperture f/២.០ ចំណែកកាមេរ៉ាក្រោយមាន៣ គ្រាប់ ដោយកាមេរ៉ា​គ្រាប់ទី១ ទំហំ១២ មេហ្គាភិចសែល ជាមួយកម្រិត Aperture f/១.៥ - ២.៤ ឯកាមេរ៉ាទី២ មានទំហំ២០ មេហ្គាភិចសែល ជាមួយ​កម្រិត Aperture f/២.៦ ហើយកាមេរ៉ាមួយគ្រាប់ចុងក្រោយ ជាប្រភេទ 3D TOF (Depth Sensor) ដែលវាមិនមានអ្វីខុសពី R17 Pro ធម្មតាដែរ រូមជាមួយនឹងលក្ខណៈសម្បត្តិខាងក្នុងផ្សេងទៀត។ ចំពោះកម្លាំងម៉ាស៊ីន វាប្រើប្រាស់បន្ទះឈីប Snapdragon៧១០ អមដោយ​ទំហំរ៉េម 8GB ជាមួយអង្គផ្ទុក 128GB (មិនមានជម្រើសរ៉េម 6GB ឡើយ)។

គួរពញ្ជាក់ផងដែរថា ស្មាតហ្វូន R17 Pro King of Glory Edition ត្រូវបានដាក់ជា Pre-order ហើយ ម្លៃជាង៦៣០ ដុល្លារ ដោយតម្លៃនេះ គឺ​ប្រហាក់ប្រហែលជាមួយជាម្រើសពណ៌ធម្មតា មានរ៉េម និងអង្គផ្ទុកដូចគ្នានេះដែរ។ យ៉ាងណា ប្រសិនបើអ្នកចង់ប្តូរអារម្មណ៍ ជាមួយ​នឹង​ការប្រើប្រាស់ទូរសព្ទ OPPO R17 ជម្រើស្ទាយម៉ូតថ្មី អ្នកអាចជ្រើសរើស R17 Pro King of Glory Edition នេះបាន ព្រោះ​ការចនា​របស់វា ពិតជាស្រស់ស្អាតប្លែកជាងគេដែលគួរឲ្យទាក់ទាញពីប្រិយមិត្តទាំងអស់គ្នាដែលនិយមគាំទ្រស្មាតហ្វូនមួយនេះ៕

អត្តបទបកប្រែនិងកែសម្រួលដោយ: ផានិត

ប្រភពពី: GSM Arena

Loading...