ក្រុមប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បកស្រាយរឿងម្ចាស់ក្លឹប Luxurious ដែលកំពុងតែល្បីពេញបណ្តាញសង្គមហ្វេសប៊ុក..

ស្នងការដ្ឋាននគរបាលរាជធានីភ្នំពេញ បានចេញមកធ្វើការបកស្រាយ ពាក់ព័ន្ធរឿង អ្នកកាត់ខ្សែបូណ៍ បើកសម្ភាធក្លឹបកម្សាន្ដ លុច្សសារី ។

នៅក្នុងគណនីហ្វេសប៊ុករបស់ PHNOM PENH Police Commissariat បានប្រាប់ឲ្យដឹងថា៖ សេចក្តីបកស្រាយបំភ្លឺរបស់ក្រុមប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ

សូមឆ្លេីយតបទៅនឹងសារព័ត៌មានមួយដែលបានចុះផ្សាយនៅថ្ងៃនេះថា " ចំណែកបុរសសម្បុរខ្មៅម្នាក់ដែលបានចាប់ខ្លួនមកពីស្រុកកំរៀង ខេត្តបាត់ដំបង ស្នាក់នៅបន្ទប់ជួលនោះ.....បេីជាម្ចាស់ក្លឹប ម្តេចមិនឃេីញហំហែងឡេីងកាត់ខ្សែបូពណ៌ក្រហម” ?

ស្នងការដ្ឋាននគរបាលរាជធានីភ្នំពេញសូមបញ្ជាក់យ៉ាងច្បាស់ជូនមហាជនអោយបានជ្រាបថា :

1. បុរសសម្បុរខ្មៅម្នាក់ដែលមានឈ្មោះ ហួន ទូច ភេទប្រុស អាយុ៤០ឆ្នាំ ជនជាតិខ្មែរ ត្រូវបានចាប់ខ្លួន នៅសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីថ្ងៃទី១៦ ខែមិថុនា ឆ្នាំ២០១៩ គឺជាអង្គរក្សនៅក្លឹបលុច្សសារី

2. បុរសម្នាក់ទៀតដែលត្រូវបានចាប់ខ្លួននៅភូមិដូង ឃុំបឹងរាំង ស្រុកកំរៀង ខេត្តបាត់ដំបង កាលពីថ្ងៃទី១៦ ខែមិថុនា ឆ្នាំ២០១៩ ដែលមានឈ្មោះ ឡេង សុខគង់ ភេទប្រុស អាយុ៤៩ឆ្នាំ ជនជាតិខ្មែរ គឺជាប្រធានសន្តិសុខប្រចាំមជ្ឈមណ្ឌលកំសាន្តរ៉ុក។

សូមបញ្ជាក់បន្ថែមថា ស្នងការដ្ឋាននគរបាលរាជធានីភ្នំពេញ ដែលមានឯកឧត្តម ឧត្តមសេនីយ៌ឯក ស ថេត អគ្គស្នងការរង និងជាស្នងការនគបាលរាជធានីភ្នំពេញ លោកបានខិតខំប្រឹងប្រែងខ្លាំងណាស់ទាំងការដឹកនាំបញ្ជា បង្ក្រាបដោយផ្ទាល់ ក៏ដូចជាបញ្ជាកម្លាំងគ្រប់ផ្នែកដែលពាក់ព័ន្ធដេីម្បីស្វែងរកចាប់មេខ្លោងមកផ្តន្ទាទោស។

ស្នងការដ្ឋាននគរបាលរាជធានីភ្នំពេញ សូមធ្វេីការសំណូមពរដល់សារព័ត៌ទាំងឡាយដែលមិនទាន់ទទួលបានព័ត៌មានច្បាស់លាស់ គ្រប់ជ្រុងជ្រោង និងពិតប្រាកដទេ សូមមេត្តាកុំផុស ដេីម្បីអោយមហាជនមានការយល់ច្រឡំ។