ភ្នំពេញ៖ យប់ថ្ងៃទី១៤ ខែកក្តដា ឆ្នាំ២០១៩ កម្មវិធីប្រលងចម្រៀងលំដាប់កំពូលល្បីទូទាំងពិភពលោក X Factor Cambodia វគ្គ Judge Audition សប្ដាហ៍ទី 2 មានបេក្ខជន បេក្ខនារីជាច្រើនរូបកំពុងតែទន្ទឹមរង់ចាំ ដើម្បីបង្ហាញសមត្ថភាព និងទឹកដមសំលេង ជូនដល់គណៈកម្មការ និងទស្សនិកជន ទាំងនៅក្នុងស្ទូឌីយូ និងតាមគេហដ្ឋានបានស្តាប់ ព្រមទាំងជួយដាក់ពិន្ទុដល់បេក្ខជន បេក្ខនារីយើងទាំងអស់គ្នា។
ដោយឡែកគណៈកម្មការទាំងបួននាក់ ដែលមានឈ្មោះបោះសំលេង និងស្រស់ស្អាត ស្រស់សង្ហារ ព្រមទាំងមានបទពិសោធន៍ជាច្រើនឆ្នាំមកហើយនោះ ក៏កំពុងតែអង្គុយរង់ចាំដាក់ពិន្ទុ ដល់បេក្ខជន បេក្ខនារីយើង។ គណៈកម្មការទាំងបួនរូបនោះរួមមាន លោក ខេមរៈ សិរីមន្ត, កញ្ញា ឱក សុគន្ធកញ្ញា, លោក ណុប បាយ៉ារិទ្ធ និង កញ្ញា សុខ សីឡាលីន ។
យ៉ាងណាមិញ ងាកមកមើលបេក្ខជន បេក្ខនារីយើងនៅសប្តាហ៍ទី២នេះវិញ ក៏មានមួយចំនួនបានបង្ហាញសមត្ថភាព រួចរាល់ហើយដែរ ដោយមានអ្នកខ្លះក៏បានបន្តទៅមុខ ហើយមានអ្នកខ្លះទៀតក៏បានវិលត្រឡប់ទៅវិញផងដែរ។
ទន្ទឹមនឹងនេះក៏មានបេក្ខជនម្នាក់ដែលមានឈ្មោះថា វ៉ាត វ៉ាន់ មកពីភ្នំពេញ អាយុ២០ឆ្នាំ បានធ្វើការបកស្រាយបទចំរៀងមួយបទក្រោមចំណងជើងថា"LAY ME DOWN" ជាភាសាបរទេស បានយ៉ាងល្អបំផុត។ ចុងក្រោយប្អូនប្រុសបានទទួល "YES" ដល់ទៅបួន ពីគណៈកម្មការ និងបន្តទៅកាន់វគ្គបន្តទៀតផងដែរ៕
មានវិដេអូ៖