ហ្វីលីពីន៖ ជារឿងមួយដ៏គួរឲ្យក្តុកក្តួល និងក្រៀមក្រំជាទីបំផុត ក្រោយពីអ្នកម្តាយជាទីស្រលាញ់ ជាទីគោរព បានលាចាកលោកទៅ ដោយអ្នកបានបន្សល់នៅអនុស្សវរីយ៍ជាច្រើន សម្រាប់កូនម្នាក់ មិនថាពេលណា កន្លែងណាអ្នកម្តាយតែងតែនៅក្បែរកូន ចាំគាំទ្រកូន ទូន្មានកូន មិនឲ្យដើរក្នុងផ្លូវខុស និងជួយជ្រំជ្រែងកូនម្នាក់នេះរហូតបានទទួលសញ្ញាប័ត្រ។ តែអ្វីដែលជាអកុសលនោះ អ្នកម្តាយក៏បានលាចាកលោកទៅ ទាំងដែលកូនម្នាក់នេះ មិនទាន់បានសងគុណ តបស្នងនូវអ្វីដែលអ្នកបានធ្វើឲ្យកូននាកន្លងមកនោះឡើយ។
វត្តមានកូនបានធ្វើឲ្យអ្នកសប្បាយចិត្ត តែនៅក្នុងអ្នកក៏មានក្តីលំបាកផងដែរ។ នៅថ្ងៃកូនប្រុសម្នាក់នេះ បានសម្រេចក្តីបំណងរបស់អ្នកហើយ ហើយនេះគឺលទ្ធផលដែលកូនធ្វើជូនម៉ាក់លើកចុងក្រោយផងដែរ។
ជាក់ស្តែង នៅក្នុងគណីហ្វេសប៊ុកមួយដែលមានឈ្មោះថា Paulo John ដែលត្រូវបានគេស្គាល់ថា ជានិស្សិប្រុស ជនជាតិហ្វីលីពីនម្នាក់ ដែលទើបតែបញ្ចប់ការសិក្សាថ្នាក់បរិញ្ញាប័ត្រផ្នែកគ្រប់គ្រងពាណិជ្ជកម្ម បានបង្ហោះរូបភាពជាច្រើនសន្លឹកនៅលើបណ្តាញសង្គមហ្វេសប៊ុករបស់ខ្លួន និងទទួលបានការចាប់អារម្មណ៍ជាខ្លាំង ដោយឃើញបុរសរូបនោះឈរអោបរូបថតម៉ាក់ ក្នុងថ្ងៃទទួលសញ្ញាប័ត្រ។ ដោយសារតែចង់ឲ្យម៉ាក់សប្បាយចិត្ត និងមើលឃើញពីលទ្ធផលកូនប្រុសម្នាក់នេះ ទោះកូនបានយកម៉ាក់មកជាមួយ។ ម៉ាក់ពិតជាសប្បាយចិត្តខ្លាំងហើយ ព្រោះកូនប្រុសច្បងម្នាក់នេះ បានសម្រេចបំណងរបស់ម៉ាក់ និងជាក្តីស្រម៉ៃរបស់កូនដូចគ្នា។
ទន្ទឹមនឹងភាពរីករាយនៅ និស្សិតប្រុសរូបនេះ ក៏បានបង្ហោះសារថា "ផ្ងើរជូនអ្នកម្តាយដ៏ស្រស់ស្អាតបំផុតរបស់កូន។ ម៉ាក់! កូនច្បងរបស់ម៉ាក់បានបញ្ចប់ការសិក្សាហើយ។ ខ្ញុំសង្ឃឹមថាម៉ាកនៅទីនោះម៉ាក់និងសប្បាយចិត្តជាមួយវត្តមានរបស់ព្រះ(នៅឋានសួគ៍)។ នេះជាអ្វីដែលម៉ាក់ចង់បាន ពេលនេះកូនបានបញ្ចប់វាហើយ។ ខ្ញុំស្រលាញ់ម៉ាក់ខ្លាំងណាស់"។
ប្រភព៖ Paulo John