ភ្នំពេញ ៖ វេលាកំណត់ចូលរោងជ័យរបស់តារាកំប្លែងរួមទ្រនំ នាយកៃដ និងនាង ខ្ញុង បានចូលមកដល់ ធ្វើឲ្យមហាជនកើតក្តីសាទររំភើបរីករាយ ខណៈកាលពី​ម្សិលមិញជា​ថ្ងៃ​ចូល​រោង និងសូត្រមន្តនោះ មានការអញ្ជើញពីមេបាចាស់ទុំទាំងសងខាងក្នុងទឹក​មុខ​ពេញចិត្តថ្លើមទាំងសងខាងតែម្តង។

យ៉ាងណាក្តីមកដល់ព្រលឹមថ្ងៃទី០៨ ខែសីហានេះ ជាពេលដែលត្រូវហែជំនូនជុំញាតិ គូ​ស្នេហ៍វ័យរាងជ្រេបន្តិចមួយគូនេះ បានបង្ហាញអារម្មណ៍រីករាយ លាយក្តីរំភើប​រកអ្វីថ្លែង​ពុំត្រូវ ចំណែកអ្វីដែលធ្វើឲ្យអ្នកលេងបណ្តាញសង្គមបង្ហាញនូវក្តីភ្ញាក់ផ្អើល​បំផុតនេះ​គឺអ្ន​កកំដរខាងកូនកម្លោះមានសុទ្ធតែឧកញ៉ាផង។

 ម្ចាស់គណនី Sok Silang ដែលបាន​ចូល​រួមផ្ទាល់ក្នុងពិធីនាព្រឹកនេះក៏បានបង្ហាញភ្ជាប់ទិដ្ឋភាពស្រស់បំព្រង ព្រមសារបញ្ជាក់​ច្បាស់​ថា «មកចូលរួមពិធីហែជំនូនលោក កៃដ និងអ្នកនាងខ្ញុង លោកឧកញ៉ា ឃ្លោក​ជាអ្នកកំដរក្នុងពិធីមង្គលការរបស់អ្នកទាំង២ ជូនពរសិរីសួរស្ដី សុភមង្គល»។ ប្រភព៖​ Heng Heng LY