យេីងត្រូវការពារមិនឲ្យបាត់បង់សូម្បី១មីលីម៉ែត្រ ! ពួកខ្មាំងមិនទាន់បានដកចេញពីទឹកដីកម្ពុជា នៅឡើយ សូមបងប្អូនជនរួមជាតិខ្មែរទាំងអស់ ជួយចែករំលែក និង ជួយផ្តល់កំលាំងចិត្តដល់បងប្អូនកងទ័ពការពារទឹកដីរបស់យើងផង..

នៅម៉ោង ៦:៣០នាទីល្ងាចថ្ងៃទី២២ ខែសីហា ឆ្នាំ២០១៩ ឯកឧត្តមឧត្តមសេនីយ៍ ស្រី ឌឹក មេបញ្ជាការកងពលធំលេខ3 បានប្រជុំផ្សព្វផ្សាយដល់ថ្នាក់ដឹកនាំនិងសមត្ថកិច្ចស្រុកជាំក្សាន្តអោយធ្វើការត្រៀមលក្ខណះ ជម្លៀសប្រជាជនចំនួន 4ភូមិក្នុង2ឃុំ ។

នេះបេីយោងតាមប្រភពបានឲ្យដឹងថា ក្នុងនោះទី១មាន ភូមិរបុញ ទី២ មាន ភូមិសែនតេជះទី៣មាន ភូមិមរកតតេជោក្នុងឃុំមរកតនិងភូមិ សែនរុងរឿងប្រាំ ក្នុងឃុំទឹកក្រហមស្រុកជាំក្សាន្ត អោយមកស្នាក់ជានៅគោលដៅចំណុចស្រះម្លិះ និងវត្តទួលអណ្តែតក្នុងស្រុកជាំក្សាន្តខេត្តព្រះវិហារ ក្នុងករណីមានអាសន្នបើសិនឈានដល់ការផ្ទុះអាវុធនោះ ៕

ដោយឡែកយោងតាមប្រភពពីគណនីហ្វេសបុកមួយមានឈ្មោះ Windforce Tyre Cambodia បានធ្វេីការលេីកឡេីងអោយដឹងនៅមុននេះបន្តិច ដោយសរសេររៀបរាប់ថា:

"សភាពការនៅព្រំដែន កម្ពុជា ឡាវ ចំនុច ខេត្តព្រះវិហា មុំ៣ ( ឡាវ ថៃ កម្ពុជា ) ឡាវ កំពុងតែមានមហេច្ចតា ឈ្លានពានទឹកដីរបស់យើង ពួកយើងជាជនជាតិខ្មែរទាំងអស់ទោះជាជាប្រជាជន ឬ កងកំលាំងប្រដាប់អាវុធ គ្រប់អ្នកនយោបាយទាំងអស់ ត្រូវរួមគ្នាដើម្បីការពារដែនដីយើងមិនអោយបាត់បង់សូម្បី1មីលីម៉ែត្រ មកដល់ម៉ោង ថ្ងៃនេះម៉ោងនេះ ពួកខ្មាំងមិនទាន់បានដកចេញពីទឹកដីកម្ពុជា នៅឡើយ សូមបងប្អូនជនរួមជាតិខ្មែរទាំងអស់ ជួយចែករំលែក និង ជួយផ្តល់កំលាំងចិត្តដល់បងប្អូនកងទ័ពការពារទឹកដីរបស់យើងផង សង្ឃឹមថាស្ថានភាពនិងបានធូស្បើយនៅថ្ងៃស្អែក ។"