ប្រិយមិត្តជាច្រើនប្រាកដជាបានស្គាល់ លោក ផែង វណ្ណៈ ហើយមែនទេ ដែលលោកមានបុគ្គលម្នាក់ ពុះពារគ្រប់ឧបសគ្គ ដើម្បីជួយដល់ជនរងគ្រោះ រឿងដីធ្លី ដែលមានអ្នកមានអំណាចជាច្រើន ជិះជាន់ប្រជាពលរដ្ឋក្រីក្រ យកដីធ្លីឥតក្តីមេត្តាដល់រាស្រ្តស្លូតត្រង់ និងជាពូជសាសន៍តែមួយ ។
ដោយឡែកកាលពីថ្ងៃម្សិលមិញនេះ នៅលើបណ្តាញសង្គមហ្វេសប៊ុក មានបងប្អូនជាច្រើន បានធ្វើការចែករំលែក ព័ត៏មានអំពីស្ថានភាព នៅព្រះវិហារ ដែលកំពុងតែមានភាពតានតឹង រវាងកម្ពុជា និងឡាវ។
ក្នុងនាមជាអតីតយុទ្ធជន ម្នាក់ ដែលស្រលាញ់ ស្នេហាជាតិ លោកបានបង្ហោះសារថា "អតីតយុទ្ធជន ផែង វណ្ណៈ ធ្លាប់ជាអ្នកប្រយុទ្ធនៅលេីសមរភូមិតាំងពីឆ្នាំ ១៩៨៨ ។ មកដល់បច្ចុប្បន្នទោះជាមានវ័យចំណាស់បន្តិចមែន ប៉ុន្តែបេីជាតិត្រូវការខ្ញុំស្ម័គ្រចិត្តកាន់អាវុធការពារទឹកដី និង ប្រជាជន ដោយគ្មានរួញរា" ៕
ប្រភព៖ Pheng Vannak News