ហ្វេសប៊ុក ៖ នេះបើយោងទៅតាមគណនីហ្វេសប៊ុកមួយដែលមានឈ្មោះថា Pichey Kumar បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖វាសនារបស់ទូកង "កម្ពោជិកបុត្តាខេមរាតរី" ដែលបានជាប់កំណត់ត្រាទូកវែងជាងគេលើពិភពលោក កាលពីឆ្នាំ២០១៨ ។
មើលទៅការមើលថែរក្សាទុកដាក់មិនស្មើនិងតម្លៃសោះ មោទនភាពបានតែដំបូងចុងក្រោយទុកឯងចោលអោយគោមើល ។បើពួកវាយតម្លៃកំណត់ត្រាឃើញគេនឹងដឹងថាចរិតជាតិនិយមរបស់យើងវាយ៉ាងមិចនោះ។ពីខ្ញុំព្រះករុណាអាត្មាភាពអ្នកស្រលាញ់ទូកងមួយរូប៕
បើយោងទៅតាមប្រភពពី លោក ជា សុមេធី អភិបាលខេត្តព្រៃវែងបានថ្លែងថាទូកនេះមានប្រវែង ៨៧,៣ ម៉ែត្រទទឹងធំបំផុត ១,៩៤ ម៉ែត្រ និងជម្រៅជ្រៅបំផុត ០,៨ ម៉ែត្រដែលមានចំណុះមនុស្ស ១៧៩ នាក់។ ទូកនេះត្រូវបានរចនាឡើងដោយមានក្បាលជានាគហើយកន្ទុយជាកន្ទុយហង្ស។ លោកបានថ្លែងថាទូកនេះត្រូវបានចំណាយពេលសាងសង់ ៦ ខែ ចាប់ពីខែមេសាដល់ខែតុលា ឆ្នាំ ២០១៨ ដោយមានពលរដ្ឋចូលរួមប្រមាណ ១ ម៉ឺន ៤ ពាន់នាក់ និងអស់ថវិកាប្រមាណ ៦ ម៉ឺនដុល្លារអាមេរិក។