OPPO គ្រោងវិនិយោគទឹកប្រាក់ 7 កោដិដុល្លារអាមេរិក ក្នុងការបង្កើតនិងអភិវឌ្ឍន៍ប្រព័ន្ធអេកូឡូស៊ី 5G & 6G (មានវិដេអូ)
ស៊ីហៀង
- 693

OPPO គ្រោងវិនិយោគទឹកប្រាក់ 7 កោដិដុល្លារអាមេរិក ក្នុងការបង្កើតនិងអភិវឌ្ឍន៍ប្រព័ន្ធអេកូឡូស៊ី 5G & 6G

ព្រឹត្តិការណ៍ OPPO INNO DAY 2019 ក្រោមប្រធានបទ “ភាពច្នៃប្រឌិតឥតព្រំដែន” ត្រូវបានប្រារព្ធឡើងជាផ្លូវការនៅទីក្រុងសិនជិន ប្រទេសចិន កាលពីដើមសប្តាហ៍នេះ។

ដំបូង OPPO បានពន្យល់អំពីគម្រោងវិធានការរបស់ខ្លួន នាយុគសម័យសមាហរណកម្មនៃបណ្តាញទំនាក់ទំនងដ៏ឆ្លាតវៃ បន្ទាប់មក ក៏បានបង្ហាញ នូវផលិតផលទំនើបៗជាច្រើន រួមមាន នាឡិកាឆ្លាតវៃ (Smart Watch), កាសឆ្លាតវៃ (Smart headphones), 5G CPE, និង វ៉ែនតា AR ដែលបំពាក់មកជាមួយនូវ Flash Charging បច្ចេកវិទ្យា 5G -ល-។

នៅក្នុងអង្គប្រជុំ លោក Tony Chen ដែលជានាយកប្រតិបត្តិ និង ស្ថាបនិក ក្រុមហ៊ុន OPPO បានថ្លែងថា “ខណៈបច្ចេកវិទ្យា 5G និង AI កាន់តែរីកចម្រើន បណ្តាញទំនាក់ទំនងដ៏ឆ្លាតវៃ ក៏កើនឡើងដល់ចំណុចនោះផងដែរ។ យើងជឿជាក់ថា ផ្នត់គំនិតនៃបណ្តាញតភ្ជាប់ គឺគ្រាន់តែជាមូលដ្ឋានគ្រឹះ នៃការរួមបញ្ចូលគ្នា និង ធ្វើសមាហរណកម្ម នាថ្ងៃអនាគតប៉ុណ្ណោះ។ គំនិតនៃបណ្តាញទំនាក់ទំនងដ៏ឆ្លាតវៃ ឋិតនៅលើបួនផ្នែកសំខាន់ៗ ដូចជា ការរួមបញ្ចូល បច្ចេកវិទ្យា និង សេវាកម្ម, ការធ្វើសមាហរណកម្មអង្គភាព, ការរួមបញ្ចូល វប្បធម៌ និង បច្ចេកវិទ្យា, សិល្បៈនិងមនុស្សជាតិ”។

លោក Chen បន្ថែមថា៖ “OPPO មិនមែនគ្រាន់តែជាក្រុមហ៊ុនផលិតទូរស័ព្ទចល័តប៉ុណ្ណោះទេ! តាមពិត ស្មាតហ្វូនគ្រាន់តែជាគន្លឹះដ៏ងាយស្រួល សម្រាប់ OPPO បង្ហាញនូវសេវាកម្ម និង បច្ចេកវិទ្យាចំរុះ។ មិនថាតែ OPPO សូម្បីតែ ឩស្សាហកម្មស្មាតហ្វូនទាំងមូល ក៏គ្មានក្រុមហ៊ុនណា ផ្តោតតែលើស្មាតហ្វូនមួយមុខទេ!”

យុទ្ធសាស្ត្រសំខាន់បី សម្រាប់យុគសម័យបណ្តាញទំនាក់ទំនងឆ្លាតវៃ

លោក Chen បានប្រកាសថា សម្រាប់រយៈពេល៣ឆ្នាំខាងមុខ OPPO ត្រៀម ទឹកប្រាក់ចំនួន 7 កោដិដុល្លារអាមេរិក វិនិយោគលើមជ្ឈមណ្ឌលសិក្សាស្រាវជ្រាវ R&D ក្នុងការអភិវឌ្ឍន៍ ប្រព័ន្ធអេកូឡូស៊ីបច្ចេកវិទ្យាទាំង Hardware និង Software និង ប្រព័ន្ធ 5G/6G, AI, AR, តំបន់ផ្ទុកទិន្នន័យធំៗ និង បច្ចេកវិទ្យាឈានមុខដទៃទៀត។

ដើម្បីក្តោបយកឱកាសបច្ចេកវិទ្យា 5G, OPPO មានគម្រោងអនុវត្តន៍យុទ្ធសាស្ត្រ3ចំណុច ដោយជំហានដំបូង ក្រុមហ៊ុននិងចាប់ផ្តើមប្តេជ្ញាអភិវឌ្ឍន៍ មជ្ឈមណ្ឌលសិក្សាស្រាវជ្រាវបច្ចេកវិទ្យាស្នូល R&D ឆ្ពោះទៅកាន់ បច្ចេកវិទ្យាឈានមុខលំដាប់ពិភពលោក។ ចំណុចទី2 OPPO នឹងបង្កើត ប្រព័ន្ធបច្ចេកវិទ្យាអេកូឡូស៊ី សម្រាប់ផលិតផលឆ្លាតវៃ ជាមួយនឹងស្មាតហ្វូនគឺជាគន្លឹះចាំបាច់។ ចំណុចចុងក្រោយ OPPO នឹងបន្តគិតលើសេវាកម្មសម្រាប់អ្នកប្រើប្រាស់, និងនាំមកនូវមាតិកានិងសេវាកម្មកាន់តែច្រើននិងប្រសើរដល់អតិថិជន។

ការបង្កើត ប្រព័ន្ធសមាហរណកម្មបច្ចេកវិទ្យា ដើម្បីផ្តល់នូវបទពិសោធន៍ បច្ចេកវិទ្យា 5G ដ៏អស្ចារ្យ

លោក Levin Liu នាយកវិទ្យាស្ថានសិក្សាស្រាវជ្រាវ និង ជាអនុប្រធានក្រុមហ៊ុន OPPO បានមានប្រសាសន៍ថា៖ “

ចំពោះមុខយុគសម័យបច្ចេកវិទ្យា 5G, OPPO នឹងឈរនៅជួរមុខគេ ក្នុងការបង្កើតបច្ចេកវិទ្យា 2.0 ដែលជាបច្ចេកវិទ្យាឈានមុខគេ និងផ្តល់នូវបទពិសោធន៍ដ៏ថ្មីស្រឡាងដល់អ្នកប្រើប្រាស់។ ខណៈការរួមបញ្ចូលគ្នារវាង បច្ចេកវិទ្យា និង សេវាកម្ម បានក្លាយជាសក្តានុពល OPPO កំពុងតែបង្កើតនូវ សមាហរណកម្ម ម៉ូឌែលបច្ចេកវិទ្យា ដែលគ្រប់ដណ្តប់លើ 5 វិស័យ រួមមាន សម្ភារៈ, ទិន្នន័យ, កុំព្យូទ័រ, សេវាកម្ម និង សេណារីយ៉ូ។ ក្នុងចំណោមម៉ូឌែលទាំងនោះ បច្ចេកវិទ្យា 5G និង AI ត្រូវបានប្រើជាហេដ្ឋារចនាសម្ព័ន្ធនិងសមត្ថភាពស្នូល ក្នុងបង្កើតផលិតផលបច្ចេកវិទ្យាថ្មឺៗ ផ្តល់នូវបទពិសោធន៍ពេញលេញនិងសមស្រប។ OPPO អនុវត្តន៍តាម “សេណារីយ៉ូវ័ណ្ឌ3” ដែលគ្របដណ្តប់លើ សេណារីយ៉ូផ្ទាល់ខ្លួន សេណារីយ៉ូបញ្ឈរ និង សេណារីយ៉ូសមាហរណកម្ម។

លោក Liu បានបន្ថែមផងដែរថា ក្រុមហ៊ុន OPPO គ្រៅងនឹង ដាក់លក់នាឡិកាដៃឆ្លាតវៃ កាសឥតខ្សែ និងផលិតផល 5G CPE នៅក្នុងត្រីមាសទី 1 ឆ្នាំ2020 ខាងមុខនេះ ។

ភាពជាដៃគូសម្រាប់យុគសម័យ បណ្តាញទំនាក់ទំនងឆ្លាតវៃ

ក្នុងសន្និសីទនេះ OPPO និង IHS Markit ដែលជាស្ថាប័នផ្គត់ផ្គង់ព័ត៌មានសកលឈានមុខគេ បានសហការគ្នា

បញ្ចេញនូវសៀវភៅស (The Whitepaper) ក្រោមចំណងជើងថា “បណ្តាញទំនាក់ទំនងឆ្លាតវៃ គឺជាការឈូងចាប់យកឱកាស បច្ចេកវិទ្យា 5G, AI និង Cloud”។ ផ្អែកលើនិន្នាការ និង ការត្រួតពិនិត្យ នៃឩស្សាហកម្ម ក្នុងយុគសម័យបណ្តាញទំនាក់ទំនងឆ្លាតវៃដោយបច្ចេកវិទ្យា5G, សៀវភៅនេះ (The Whitepaper) បានឆ្លុះបញ្ចាំងនូវ គោលការណ៍សម្រាប់ការអភិវឌ្ឍន៍ឆ្លាតវៃ និង សមាហរណកម្មប្រព័ន្ធអេកូឡូស៊ី។

លើសពីនេះ OPPO ក៏បានរៀបចំវេទិកា ក្រោមប្រធានបទ “សមាហរណកម្មបច្ចេកវិទ្យា 5G សកល សម្រាប់អនាគតកាល” ដែលដឹកនាំដោយអ្នកជំនាញៗ រួមមាន លោក Henry Tang ប្រធានអ្នកវិទ្យាសាស្ត្រ 5G របស់ OPPO , លោក Wu Xiaobo អ្នកនិពន្ធហិរញ្ញវត្ថុដ៏ល្បីល្បាញ និងជាស្ថាបនិកនៃវប្បធម៌កែច្នៃ Hangzhou Bajiuling និង មជ្ឈមណ្ឌលបោះពុម្ពហិរញ្ញវត្ថុ Lanshizi, លោក Tom Morrod នាយកប្រតិបត្តិនៃក្រុមហ៊ុន IHS Markit, លោក Wei Qing ប្រធានផ្នែកបច្ចេកវិទ្យានៃក្រុមហ៊ុន Microsoft (ចិន) និងជាសាស្រ្តាចារ្យពិសេសនៃសាកលវិទ្យាល័យ Peking, លោក Chen Baoquan នាយកប្រតិបត្តិនៃមជ្ឈមណ្ឌលស្រាវជ្រាវកុំព្យូទ័រជួរមុខនិងអ្នកជំនាញខាងឧស្សាហកម្មនិងជាអ្នកប្រាជ្ញ, និង លោក Wu Sheng ស្ថាបនិកនៃ Scene Lab បានចូលរួមចែករំលែកនិងផ្លាស់ប្តូរគំនិត សម្រាប់សមាហរណកម្ម បច្ចេកវិទ្យា 5G ។

ការយល់ដឹងស៊ីជម្រៅ អំពីនិន្នាការសមាហរណកម្ម តំណភ្ជាប់ដ៏ឆ្លាតវៃ និង គម្រោងអភិវឌ្ឍន៍ផែនការ បច្ចេកវិទ្យាផ្ទាល់ខ្លួន ក្រុមហ៊ុន OPPO បានប្តេជ្ញា បន្តផ្តោតលើ ការផលិតនូវបច្ចេកវិទ្យាថ្មីៗ។ គោលដៅស្នូល គឺការអភិវឌ្ឍន៍យូរអង្វែងលើជំនួញឩបករណ៍ឆ្លាតវៃ និង ផ្តល់នូវបទពិសោធន៍បច្ចេកវិទ្យាឈានមុខដល់អតិថិជនរបស់ OPPO។

លោក Chen បានលើកឡើងថា OPPO នឹងបន្តប្រកាន់ខ្ជាប់នូវគុណតម្លៃស្នូលរបស់ក្រុមហ៊ុន ហើយកំពុងដុតដៃដុតជើង ធ្វើការយ៉ាងជិតស្និទ្ធជាមួយដៃគូឩស្សាហកម្មផ្សេងៗ ជាចង្វាក់ផលិតកម្ម ក្នុងការបើកផ្លូវសម្រាប់ធ្វើសមាហរណកម្ម ដ៏ឆ្លាតវៃនាថ្ងៃអនាគតកាល។ សូមទស្សនាវិដេអូខាងក្រោម៖ 



Loading...