ភ្នំពេញ ៖ បន្ទាប់ពីជោគជ័យក្នុងការព្យាបាលអ្នកជំងឺកូវីដ១៩ ប្រទេសទេសចិន ពេលនេះរដ្ឋាភិបាលចិន បានសម្រេចបញ្ជូនគ្រូពេទ្យជំនាញ៧នាក់ មកកាន់ប្រទេសកម្ពុជា ដើម្បីជួយបង្ហាត់បង្រៀនអំពីការព្យាបាលជំងឺកូវីដ១៩ ព្រមទាំងផ្តល់នូវបរិក្ខាពេទ្យសម្រាប់ប្រើប្រាស់ពាក់ព័ន្ធនឹងជំងឺកូវីត១៩។ 

យ៉ាងណាមិញបើយោងទៅតាមហ្វេសប៊ុកផេកផ្លូវការរបស់ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី បានធ្វើការផុសនៅលើបណ្តាញសង្គមឲ្យប្រជាជនកម្ពុជាដឹងថា «ក្រុមគ្រូ​ពេទ្យ​ស្ម័គ្រ​ចិត្ត​នៃ​សាធារណរដ្ឋ​ប្រជាមានិត​ចិន​ និង​យន្តហោះពិសេសដែលដឹកសម្ភារៈពេទ្យ​បាន​ចេញដំណេីរពី​សាធារណរដ្ឋ​ប្រជាមានិត​ចិន​មកកាន់​ព្រះ​រាជា​ណាចក្រ​កម្ពុជាហេីយ ជយោ​ចំណង​មិត្តភាព​ កម្ពុជា​ ចិន​ » ។