សូមចូលរួមរំលែកទុក្ខ ! មានស្ត្រីខ្មែរម្នាក់នៅសហរដ្ឋអាមេរិកបានទទួលមរណភាពដោយសារតែឆ្លង ជំងឺខូវិដ ១៩
ស៊ីហៀង
- 11902

ស្ត្រីខ្មែរម្នាក់នៅសហរដ្ឋអាមេរិកបានទទួលមរណភាពដោយសារតែ ជំងឺខូវិដ ១៩ ។

មាតារបស់លោកឧកញ៉ា សុង សារ៉ន អគ្គនាយក ក្រុមហ៊ុន​ Amru Rice Cambodia បានទទួលមរណភាពកាលពីថ្ងៃទី ២២ ខែមីនា នៅសហរដ្ឋអាមេរិកដោយសារតែការឆ្លង វ៉ីរ៉ូស ខូវិដ ១៩។

មុនចាកចេញទៅទីស្ងប់សុខ លោកស្រី នុត ឈុនហ៊ាង បានទទួលការព្យាបាលនៅមន្ទីរពេទ្យចំនួន ប្រមាណបីសប្តាហ៍។

លោកស្រី នុត ឈុនហ៊ាង គឺជាពលរដ្ឋខ្មែរទី១ ដែលបានទទួលអនិច្ចកម្មដោយសារតែជំងឺនេះ ដែលលោកឧកញ៉ា សុង សារ៉ន ជាកូន​បានហៅថាជា សត្រូវលាក់មុខ។

រហូតមកទល់ពេលនេះ ពុំទាន់មានការបញ្ជាក់ពីស្ថានទូតខ្មែរនៅសហរដ្ឋអាមេរិកនៅឡើយទេ។

ក៍ប៉ុន្តែលោក សុង សារ៉ន បានចែករំលែកនូវមរណៈទុក្ខដ៍ក្រៀមក្រំនេះជាមួយ PNN News ។

ភរិយាលោក សុង សារ៉ន បានអោយដឹងថា ក្រុមគ្រូពេទ្យនៅសហរដ្ឋអាមេរិកមានមនុស្សធម៍ណាស់ ដោយនៅនាទីចុងក្រោយ គ្រូពេទ្យរៀបចំអោយក្រុមគ្រួសារនៅស្រុកខ្មែរអាចមើលឃើញអ្នកជំងឺជាចុងក្រោយ និងបានអោយ​អ្នកជំងឺទទួលព្រះធម៍តាមរយះទូរស័ព្ទដែលស្មូតចេញពីទីក្រុងភ្នំពេញ។

យើងខ្ញុំ សូមចូលរួមរំលែកទុក្ខយ៉ាងក្រៀមក្រំជាទីបំផុតជាមួយ ក្រុមគ្រួសារលោក សុង សារ៉ន ចំពោះការបាត់បង់លោកស្រីជាម្តាយ ដោយសារតែជំងឺខូវិដ ១៩។