សមាគមរោងចក្រកាត់ដេរកម្ពុជា ៖ រោងចក្រ ១៨០ហើយបានព្យួរការងារ ខណៈរោងចក្រ ៦០ទៀត នឹងឈានទៅរកការព្យួរ ហើយកម្មករជិត២០ម៉ឺននាក់ នឹងរងផលប៉ះពាល់

ភ្នំពេញ៖ យោងតាមការបញ្ជាក់របស់សមាគមរោងចក្រកាត់ដេរនៅកម្ពុជា (GMAC) បានអះអាងថាសមាគមរោងចក្រកាត់ដេរនៅកម្ពុជា នៅថ្ងៃទី ០៤ ខែឧសភានេះ បានចេញលិខិតមួយរបស់ខ្លួនថា គិតមកទល់ពេលនេះ មានរោងចក្រចំនួន ១៨០ រោងចក្រហើយ បានព្យួរប្រតិបត្តិការរបស់ខ្លួន ហើយរោងចក្រចំនួន ៦០បន្ថែមទៀត នឹងឈានទៅរកការព្យួរដែរ ដែលកំពុងប៉ះពាល់ដល់កម្មករជាង ១៥ម៉ឺននាក់។ ស្ថិតក្នុងកាលៈទេសៈដ៏លំបាកនេះ សមាគមរោងចក្រកាត់ដេរកម្ពុជា ក៏នៅតែទទូចអំពាវនាវជាថ្មីទៀត ទៅកាន់អ្នកបញ្ជាទិញទាំងអស់ ឲ្យគោរពតាមលក្ខខណ្ឌទូទាត់ប្រាក់សម្រាប់ទំនិញដែលបានទទួលរួចហើយ និងទំនីញដែលកំពុងដឹកទៅឲ្យអ្នកបញ្ជាទិញទាំងនោះ។

ក្នុងនោះដែរ ស្តីពីការអំពាវនាវដល់អ្នកបញ្ជាទិញដល់អ្នកបញ្ជាទិញសម្លៀកបំពាក់ ស្បែកជើង និងផលិតផលធ្វើដំណើរពីកម្ពុជា បានឱ្យដឹងថា រោងចក្រចំនួន ១៨០ បានព្យួរប្រតិបត្តិការរបស់ខ្លួន ហើយរោងចក្រចំនួន ៦០បន្ថែមទៀតនឹងឈានទៅរកការព្យួរផងដែរ ដែលការផ្អាកបណ្តោះអាសន្ននេះក៏ កំពុងបង្ករប៉ះពាល់ដល់កម្មករជាង ១៥ម៉ឺននាក់ដែលត្រូវបានព្យួរការងារជាបណ្តោះអាសន្ន។ លើសពីនេះ កម្មករជិត ២០ម៉ឺននាក់ទៀត នឹងត្រូវព្យួរការងារនាពេលខាងមុខឆាប់ៗនេះ។

យ៉ាងណាមិញ GMAC បានលើកឡើងថា ការព្យួរការងារនេះ មិនច្បាស់លាស់ថា នឹងបន្តការងារវិញនៅពេលណាឡើយ ហើយកម្មករជិត២០ម៉ឺននាក់ នឹងត្រូវព្យួរការងារនាពេលខាងមុខឆាប់ៗនេះ។ វាមិនត្រឹមតែប៉ះពាល់កម្មករនោះទេ ប៉ុន្តែថែមទាំងប៉ះពាល់សមាជិកគ្រួសារប្រមាណ២លាននាក់ផងដែរ ដែលពឹងផ្អែកលើពួកគេ ៕