បន្ទាប់ពីការរឹតបន្តឹងច្បាប់ចរាចរណ៍កន្លងមកនេះ សមត្ថកិច្ចអះអាងថាប្រជាពលរដ្ឋបានចូលរួមក្នុងការអនុវត្តច្បាប់ច្រើន ជាក់ស្តែងការពាក់មួកសុវត្ថិភាពមានការកើនឡើងខ្ពស់។ ដោយឡែកទាក់ទងនឹងការរឹតបន្តឹងច្បាប់ចរាចរណ៍ ក្នុងពេលដែលកម្ពុជាកំពុងតែជួបវិបត្តិកូវីដ១៩នេះវិញ, លោក ហ៊ឹម យ៉ាន អគ្គស្នងការរងនគរបាលជាតិ បានបញ្ជាក់នៅថ្ងៃទី៣ ខែឧសភា នេះថា ការរឹតបន្តឹងច្បាប់ចរាចរណ៍ក្នុងពេលដែលកម្ពុជាកំពុងតែជួបនឹងវិបត្តិកូវីដ១៩នេះ គឺដោយសារតែកូវីដ១៩ មិនបានបណ្តាលឲ្យពលរដ្ឋខ្មែរណាម្នាក់ស្លាប់នៅឡើយទេ ចំណែកគ្រោះថ្នាក់ចរាចរណ៍វិញបានឆក់យកជីវិតមនុស្សរាល់ថ្ងៃ ជាមធ្យមស្លាប់៥នាក់នៅក្នុងមួយថ្ងៃ ដោយសារគ្រោះថ្នាក់ចរាចរណ៍។
.jpeg?1588674758)
ដោយឡែក អគ្គស្នងការរងនគរបាលជាតិ នាយឧត្តមសេនីយ៍ ហ៊ឹម យ៉ាន បានចេញសារសំឡេងដ៏សំខាន់មួយ ដោយស្នើឱ្យលោកស្នងការ ស្នងការរង និង លោកនាយការិយាល័យចរាចរណ៍ផ្លូវគោកទូទាំងប្រទេស បញ្ឈប់ជាបន្ទាន់នូវការបង់ប្រាក់ពិន័យនៅគោលដៅតាមដងផ្លូវ ។
.jpg?1588674762)
នាយឧត្តមសេនីយ៍ ហ៊ឹម យ៉ាន សង្កត់ធ្ងន់ថា ពេលនេះ នៅមានការពិន័យនៅនឹងគោលដៅ ។ ដូច្នេះ ប្រសិនបើអស់លោកមិនអនុវត្តតាមការណែនាំនេះទេ គឺ ត្រូវទទួលខុសត្រូវចំពោះមុខថ្នាក់ដឹកនាំ ៕
.jpg?1588674770)
.JPG?1588674770)
.jpg?1588674770)
