ខេត្តកណ្តាល៖ កាលពីថ្ងៃទី០៦ ខែឧសភា ឆ្នាំ២០២០ វេលាម៉ោង ១០ និង១៥នាទី សមត្ថកិច្ចឃាត់ខ្លួនបុរសម្នាក់ លួចគោ នៅចំណុចភូមិ បឹងឃុំ រការ ស្រុកកណ្តាលស្ទឹង ខេត្តកណ្តាល។ ជនសង្ស័យមានឈ្មោះថា ឈ្មោះ សេន ចាន់ទួត ភេទ ប្រុស អាយុ២៨ឆ្នាំមានទីលំនៅភូមិ រលួស ឃុំ ដេីមឬស ស្រុកកណ្តាលស្ទឹងខេត្ត កណ្ដាល មុខរបរមិនពិតប្រាកដ ធ្លាប់ជាប់ពន្ធនាគារខេត្តកំពង់ស្ពឺរយៈពេល១៨ខែ ពីបទលួច សត្វគោ។
ជនរងគ្រោះមានឈ្មោះថា ស៊ុំ សុង ភេទប្រុស អាយុ ៤៩ ឆ្នាំ មានទីលំនៅភូមិ សរមាំង ឃុំ ក្រាំងម្កាក់ ស្រុក អង្គស្នួល ខេត្តកណ្ដាល មុខរបរ កសិករ។
វត្ថុតាង៖ សត្វគោ០១ក្បាលរបស់ជនរងគ្រោះ
សភាពរឿងហេតុ នៅថ្ងៃទីខែឆ្នាំកេីតហេតុខាងលេីជនសង្ស័យបានឃេីញ មេគោ១ក្បាលសម្បុរស ដែលម្ចាស់គេលែងចោលនៅម្តុំមាត់ស្ទឹង ដោយឃេីញសភាពស្ងាត់គ្មានម្ចាស់ទេីបជនសង្ស័យ លួចដឹកមកក្នុងភូមិឃុំកេីតហេតុ ហេីយមកផ្ញេីនៅផ្ទះអ៊ុំស្រីម្នាក់ពុំស្គាល់ឈ្មោះ ហេីយប្រាប់ថា ខ្ញុំទៅរករ៉ឺម៉កដឹកសិន ហេីយក៏ដេីរទៅរកឈ្មោះ ហ្គិត ដេីម្បីឲ្យជូនខ្លួនទៅផ្ទះដោយប្រាប់ឈ្មោះហ្គិតថាខ្លួនទេីបមកពីសុីឈ្នួលដឹកគោឲ្យគេ ពេលនោះឈ្មោះហ្គិត បានជូនជនសង្ស័យទៅផ្ទះស្ថិតនៅភូមិរលួស ឃុំដេីមឬស ស្រុកកណ្តាលស្ទឹង តែពេលទៅដល់ពាក់ភូមិរំលិចឃុំ ដេីមឬស ជនសង្ស័យ ក៏សុំចុះ ហេីយឈ្មោះហ្គិតក៏ជិះទៅផ្ទះវិញ រួចទៅរាយការណ៍ ជូនសមត្ថកិច្ចប៉ុស្តិ៍នគរបាលរដ្ឋបាលឃុំរការ ភ្លាមនោះកម្លាំង ប៉ុស្តិ៍នគរបាលរដ្ឋបាល ឃុំរការសហការជាមួយប៉ុស្តិ៍នគរបាលរដ្ឋបាលឃុំដេីមឬសបាន ធ្វេីការឃាត់ខ្លួនបញ្ជូនជនសង្ស័យមកកាន់អធិការដ្ឋាននគរបាល ស្រុកកណ្តាលស្ទឹង ដេីម្បីចាត់ការបន្តតាមនីតិវិធី។
ប្រភព៖ ស្នងការដ្ឋាននគរបាលខេត្តកណ្តាល
