អ្នកគ្រប់គ្រងទូទៅ នៅក្នុងផលិតកម្មថោន និងតារាចម្រៀងមួយរូបដ៏ល្បីឈ្មោះ លោក ករុណា ពេជ្រ ដែលគ្រប់គ្នាហៅលោកថា កូនកត្តញូ តែងតែបង្ហោះសារ ព័ន្ធនឹងស្ថានភាពលោកមានគុណ និងជីវិតនៅក្នុងពេលនេះ ទោះបីជាលោកត្រូវជួបនឹងបញ្ហាជាច្រើន តែសម្រាប់ប៉ា គឺកូនតែតស៊ូ និងប្រឹងប្រែងរហូតទៅ ដើម្បីលោកប៉ាតែម្នាក់គត់។
ដោយឡែក កាលពីពេលថ្មីៗនេះ លោកក៏បានធ្វើតាមបណ្តាំរបស់ប៉ា ដែលបានផ្តាំលោកកាលពីប៉ុន្មានឆ្នាំមុន ដោយលោកបានសរសេររៀបរាប់ថា "អ្នកខ្លះ ក៏សេីចសប្បាយរីករាយនឹងទទួលយក ការពិត .. ហេីយក៏មានអ្នកខ្លះ ក៏ទឹកភ្នែកព្រោះតែ ពិបាកនឹងទទួលយក ការពិត .. ប៉ុន្តែទីបំផុត ការពិត នៅតែជា ការពិត ....
ទោះបីការពិតពេលនេះ ខ្ញុំមិនទាន់ព្រមទទួលយកបានក៏ដោយ ហេីយក៏នៅតែមិនចង់អោយវាក្លាយជាពិតក៏ដោយ ប៉ុន្តែវានៅតែដាស់អារម្មណ៏អោយខ្ញុំត្រៀមចិត្តត្រៀមកាយនៅអ្វីដែលនឹងកេីតឡេីងនាពេលខាងមុខសំរាប់រូបខ្ញុំ ....
បណ្តាំ 3 របស់ប៉ា កាលពីជាង 2 ឆ្នាំមុន ដែលនិយាយផ្តាំកូនមុនប៉ា ដាច់សរសៃរឈាមខួរក្បាល 2 អាទិត្យ គឺ កូនចាំមិនភ្លេច ... ពេលនេះកូនធ្វេីបានសំរេចមួយហេីយ ដែលជាទីកន្លែងសុខសាន្តចុងក្រោយរបស់ប៉ា កូនបានរៀបចំតាមបណ្តាំប៉ា ហេីយការកសាងមួយនេះ បេីប៉ាបានដឹង បានយល់ស្តាប់បានអ្វីដែលកូនបានប្រាប់ប៉ា ប៉ាប្រាកដជារំភេីប ជាក់ជាមិនខាន ...
កូនចង់នាំប៉ា ទៅឃេីញផ្ទាល់ភ្នែកណាស់ ប៉ុន្តែចំងាយឆ្ងាយជិត 100km ពីភ្នំពេញ ហេីយម្យ៉ាងទៀតមេីលទៅខ្លាចកំលាំងប៉ាខ្សោយ ហត់ទប់មិនរួច ..... ហុឺ..
តាមរយះស្ថានភាពជំងឺរបស់ប៉ា ហេីយបន្ទាប់ពីការកសាងកន្លែងមួយនេះរួចមក កូននឹងសង្ឃឹមថាវានឹងបានចំលងអាយុប៉ាបានយូរ ហេីយនៅក្បែរកូនបន្តទៀត...
អារម្មណ៏មួយនេះ ទៅដល់កន្លែងនេះ មានតែកែវភ្នែកទាំងពីរទេ ដែលយល់ពីអារម្មណ៏ខ្ញុំមួយនេះ..."។
