ភ្នំពេញ៖ នៅ​ថ្ងៃទី​២០​ ខែឧសភា ​ឆ្នាំ​២០២០ ​វេលាម៉ោង​១៥៖៣០នាទី​រសៀល​ស្ថិត​នៅ​ភូមិ​ចំការ​ឪឡឹក​ទី​២ សង្កាត់កាកាបទី០២ កម្លាំងនគរបាល​ប៉ុស្ដិ៍​ឃាត់ខ្លួន​ជនសង្ស័យ​ចំនួន​២នាក់​ ពី​បទ​ឆក់​(ទូរស័ព្ទ​)​។ ជនសង្ស័យ​ទី​១ឈ្មោះ​ សាន​ សុវណ្ណ​ ភេទ​ប្រុស​ មុខរបរ​លក់​ដូរ​ ស្នាក់​នៅ​ភូមិ​ច្រេះ​ សង្កាត់​ គោក​ឃ្លាង​ខណ្ឌ​សែនសុខ​ រាជធានីភ្នំពេញ​។

ជនសង្ស័យ​ទី​២ឈ្មោះ​ មុត​ បញ្ញា​ ភេទ​ប្រុស​ ​មុខរបរ​លក់​ដូរ​ស្នាក់​នៅ​សង្កាត់​ផ្សារ​កណ្ដាល​ទី​២ ខណ្ឌ​ដូនពេញ​ រាជធានី​ភ្នំពេញ​ ។ជនរងគ្រោះ​ឈ្មោះ​ ឈឿន​ យ៉ុម​ ភេទ​ស្រី​ ​មុខរបរ​ ថៅកែ​លក់​គ្រឿង​ចក្រ​ ស្នាក់នៅ​ភូមិ​កប់​ស្រូវ​ធំ​ សង្កាត់​គោក​រកា​ខណ្ឌ​ព្រែក​ព្នៅ​រាជធានីភ្នំពេញ​។

សំភារៈ​ដក​ហូត​រួម​មាន​ ៖​ ទូរស័ព្ទ​ដៃ​ចំនួន​២​គ្រឿង​ (ជា​របស់​ជន​រងគ្រោះ​),​ ម៉ូតូ​មួយ​គ្រឿង​ម៉ាក​ហុង​ដា​សេ​១២៥ពណ៌​ ខ្មៅ​ សេរី​២០២០​ពាក់​ស្លាក​លេខ​ភ្នំពេញ​ 1IF0566 (ជា​របស់​ជន​សង្ស័យ​)​។

បច្ចប្បន្នជនសង្ស័យ​កំពុង​ឃុំ​ខ្លួន​បណ្ដោះ​អាសន្ន​នៅ​អធិការ​ខណ្ឌ​ដេីម្បី​កសាង​សំណុំ​រឿង​បញ្ជូន​ទៅ​កាន់​តុលាការ​ចាត់ការ​តាម​ផ្លូវ​ច្បាប់​៕ ប្រភព៖ ស្នងការដ្ឋាននគរបាលរាជធានីភ្នំពេញ