បាត់ដំបង៖  កាលពីថ្ងៃទី២៧ ខែឧសភា ឆ្នាំ២០២០ វេលាម៉ោង ០១និង០០នាទីថ្ងៃ លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្ត បាត់ដំបង លោកវរសេនីយ៍ឯក ផង សុភាព អធិការនគរបាលស្រុកថ្មគោល ដឹកនាំកម្លាំងផ្នែកជំនាញ សហការជាមួយកម្លាំងប៉ុស្តិ៍នគរ បាលរដ្ឋបាលតាម៉ឺន បង្រ្កាបនិងឃាត់ខ្លួនអ្នកលេងល្បែងស៊ីសង (អាប៉ោង)ដែលបានកើតឡើងនៅចំណុច ភូមិគោកក្តួច ឃុំតាពូង ស្រុកថ្មគោល ខេត្តបាត់ដំបង។

សមត្ថកិច្ចឃាត់ខ្លួនបានជនសង្ស័យចំនួន០៦នាក់ (ស្រី០៣នាក់) ព្រមទាំងដកហូតសម្ភារៈរួមមាន៖ ម៉ូតូចំនួន០៥គ្រឿង -ចានអាប៉ោង០១ ផ្តិលគម្របចានអាប៉ោង០១ -ប៉ាយចាក់អាប៉ោង០១, កន្ទេលក្រាល០១ ។ អ្នកលេងល្បែងស៊ីសងនេះ ត្រូវបាននគរបាលធ្វើការអប់រំ ណែនាំ និងធ្វើកិច្ចសន្យា បញ្ឈប់សកម្មភាព ហើយឱ្យវិលទៅលំនៅដ្ឋានវិញ ៕

ប្រភព៖ ស្នងការដ្ឋាននគរបាលខេត្តបាត់ដំបង