ក្រសួងការងារនិងបណ្តុះបណ្តាលវិជ្ជាជីវៈ សូមជូនដំណឹងដល់អតីតបុគ្គលិកសណ្ឋាគារ ដឺ ហ្រ្កេត ឌ្យូក  នៃក្រុមហ៊ុន Regency Company Limited មានអាសយដ្ឋានស្ថិតនៅតាមបណ្តោយមហាវិថីម៉ៅសេទុង សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ដើម្បីមកបើកប្រាក់អត្ថប្រយោជន៍។

ក្រុមការងារក្រសួង នឹងបើកថវិកាជួបបុគ្គលិកទាំងអស់ ដោយផ្ទាល់ដៃដល់សាមីខ្លួន ថ្ងៃសៅរ៍ទី៣០ ខែឧសភា ឆ្នាំ២០២០ វេលាម៉ោង ៨និង០០នាទីព្រឹក​ នៅក្រសួងការងារ និងបណ្តុះបណ្តាលវិជ្ជាជិវៈ ដែលមានទីតាំងស្ថិតនៅអគារលេខ៣ មហាវិថីសហព័ន្ធរុស្ស៊ី សង្កាត់ទឹកល្អក់១ ខណ្ឌទួលគោក រាជធានីភ្នំពេញ។

បុគ្គលិកត្រូវយកមកជាមួយនូវឯកសារដូចខាងក្រោម៖

១.កាតសម្គាល់ខ្លួនជាបុគ្គលិកក្នុងក្រុមហ៊ុន (ច្បាប់ដើម)

២.អត្តសញ្ញាណបណ្ណសញ្ជាតិខ្មែរ ឬ លិខិតឆ្លងដែន (ច្បាប់ដើម និង ភ្ជាប់ជាមួយច្បាប់ថតចម្លង)

៣.សៀវភៅការងារ ឬ ប័ណ្ណសមហាជិក ប.ស.ស (ច្បាប់ដើម និងភ្ជាប់ជាមួយច្បាប់ថតចម្លង)

៤. ក្នុងករណីបុគ្គលិកណាម្នាក់ទទួលមរណភាព ភាគីដែលជាប្តី ឬ ប្រពន្ធ ត្រូវភ្ជាប់មកជាមួយឯកសារ (១) (២)និង(៣) ដែលបានរៀបរាប់ខាងលើ និងភ្ជាប់មកបន្ថែមជាមួយនូវ៖

   ក. សំបុត្រមរណ ភាពរបស់បុគ្គលិក (សេចក្តីចម្លងសំបុត្រមរណ ភាព)

   ខ. សំបុត្រអាពាហ៍ពិពាហ៍ ឬ សៀវភៅគ្រួសារ (ច្បាប់ដើម និងភ្ជាប់ជាមួយច្បាប់ថតចម្លង)

   គ. អត្តសញ្ញាណបណ្ណសញ្ជាតិខ្មែរ ឬ លិខិតឆ្លងដែន អ្នកមកបើកជំនួស (ច្បាប់ដើម និងភ្ជាប់ជាមួយច្បាប់ថតចម្លង)

អាស្រ័យហេតុនេះ បុគ្គលិកក្រុមហ៊ុនទាំងអស់ មេត្តាជ្រាបជាព័ត៏មាន៕