កំពង់ធំ៖ កម្លាំងជំនាញនៃស្នងការដ្ឋាននគរបាលខេត្តកំពង់ធំ បានប្រើប្រាស់វិធានការជំនាញ បង្ក្រាបល្បែងស៊ីសងខុសច្បាប់ ចំនួន០១ករណី ស្ថិតក្នុងភូមិសាស្ត្រក្រុងស្ទឹងសែន ខេត្តកំពង់ធំ កាលពីថ្ងៃទី០៩ ខែមិថុនា ឆ្នាំ២០២០ វេលាម៉ោង១៥និង៣០នាទី ។
សមត្ថកិច្ចឃាត់ខ្លួនមនុស្សចំនួន១៥នាក់(ស្រី)និងដកហូតវត្ថុតាងរួមមាន បៀចំនួន០២ហ៊ូ,គ្រាប់ខ្លាឃ្លោកចំនួន៤៥គ្រាប់, គម្របចំនួន០៣ ចានថ្មចំនួន០៦,កម្រាលចំនួន០១,ហានតោចំនួន០១សន្លឹក,ប្រាក់រៀលចំនួន៤៧៥០០រៀល។
សមត្ថកិច្ចបានឲ្យដឹងថាក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងដោយមានការសម្របសម្រួលនីតិវិធីពី ព្រះរាជអាជ្ញាអមសាលាដំបូងខេត្តកំពង់ធំ កម្លាំងការិយាល័យការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំង នៃអធិការដ្ឋាននគរបាលក្រុងស្ទឹងសែន បង្ក្រាបល្បែងស៊ីសងខុសច្បាប់ ស្ថិតនៅចំណុចផ្ទះ ឈ្មោះ ឆឹង សឿន ភេទស្រី ក្នុងភូមិស្រយ៉ូវជើង សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ ចំពោះករណីខាងលើ សមត្ថកិច្ច នាំយកមនុស្ស និងវត្ថុតាង បញ្ជូនមកអធិការដ្ឋាននគរបាលក្រុងស្ទឹងសែន ដើម្បីសាកសួរ បានសុំគោលការណ៍ ថ្នាក់ដឹកនាំធ្វើកិច្ចសន្យា អប់រំ ណែនាំបញ្ឈប់ការលេងល្បែងស៊ីសង ហើយឲ្យគាត់វិលត្រឡប់ទៅផ្ទះវិញ៕
