ភ្នំពេញ៖ លោក ហ្វា សាលី ប្រធានសម្ព័ន្ធសហជីពជាតិ បានសូមអំពាវនាវដល់ ឯកឧត្តម បណ្ឌិត អុិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវះ មេត្តាជួយរៀបចំថ្ងៃសងបុណ្យចូលឆ្នាំដែលបានលើកកន្លងមក ឲ្យចំក្នុងចន្លោះពីថ្ងៃទី១២-១៦ ក្នុងខែសីហា ឆ្នាំ២០២០ នេះ។
បើយោងតាមគណនីហ្វេសប៊ុករបស់លោក លោក ហ្វា សាលី ប្រធានសម្ព័ន្ធសហជីពជាតិ បានលើកឡើងនៅលើបណ្តាញសង្គមហ្វេសប៊ុករបស់ខ្លួនថា "សងថ្ងៃបុណ្យចូលឆ្នាំប្រពៃណីខ្មែរ
ក្នុងនាមខ្ញុំជាថ្នាក់ដឹកនាំសម្ព័ន្ធសហជីពជាតិ សូមអំពាវនាវដល់ឯកឧត្តម បណ្ឌិត អុិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវះ មេត្តាជួយរៀបចំថ្ងៃសងបុណ្យចូលឆ្នាំដែលបានលេីកកន្លងមក ឲ្យចំក្នុងចន្លោះពីថ្ងៃទី១២-១៦ ក្នុងខែសីហា ឆ្នាំ២០២០ នេះ ចំនឹងថ្ងៃដែលបងប្អូនកម្មករ-កម្មការិនីបានបេីកប្រាក់ឈ្នួលរួច ដេីម្បីផ្តល់ភាពងាយស្រួលសម្រាប់ពួកគាត់មានសោរហ៊ុយធ្វេីដំណេីរទៅលេងស្រុកកំណេីត ។ ថ្ងៃទី១១ ខែកក្កដា ឆ្នាំ២០២០ ។ពីខ្ញុំ ហ្វា សាលី"៕
ប្រភព៖ លោក ហ្វា សាលី ប្រធានសម្ព័ន្ធសហជីពជាតិ
