ប្តីប្រពន្ធមួយគូនេះ ធ្វើឲ្យមហាជនចាប់អារម្មណ៍យ៉ាងខ្លាំង បន្ទាប់ពីប្រពន្ធបង្ហោះសារថា អូនដឹងថាបងអាចរកស្រីស្អាតហេីយ...
ស៊ីហៀង
-

ពេលខ្លះ ការដែលព្យាយាមខំតាមរកមនុស្សស្រីល្អៗ ដើម្បីយកមកធ្វើជាគូជីវិត មិនមែនជារឿងដែលងាយនោះឡើយ ពេលខ្លះ យើងបានជួបគេហើយ តែបែរជាមើលមិនដឹងថា គេជាមនុស្សល្អទេទាល់តែបាត់បង់ទៅទើបដឹងនិងហួសពេលបាត់ទៅហើយក៏មានដែរ ។

ប្រពន្ធល្អក៏មិនខុសអីពីកំណប់ទ្រព្យ ដែលកប់នៅក្នុងទៅអាថ៌កំបាំងអ៊ីចឹង គឺមិនមានមនុស្សច្រើនទេ ដែលអាចដឹង និងមើលឃើញ លើកលែងតែយើងមាននិស្ស័យ យើងមានផលបុណ្យល្អ ទើបអាចរកបានមនុស្សល្អៗ អាចទទួលបានកំណប់ទ្រព្យនោះ យកមកថែរក្សាទុកជាសម្បត្តិរបស់ខ្លួន តែអ្នកខ្លះទៀត មានសំណាងល្អ បានកំណប់នោះហើយ តែបែរជាមិនចេះថែរក្សា មិនចេះឱ្យតម្លៃ នោះថ្ងៃណាមួយ នឹងត្រូវបាត់បង់កំណប់នោះក៏ថាបាន។

ដោយឡែកនៅកាលពីពេលថ្មីៗនេះមានគូស្នេហ៍ចំណាស់មួយបានធ្វើឲ្យមហាជនជាច្រើននៅលើបណ្តាញសង្គមហ្វេសប៊ុកផ្ទុះការចាប់អារម្មណ៍យ៉ាងខ្លាំងបន្ទាប់ពីបងស្រីម្នាក់ដែលមានគណនីហ្វេសប៊ុកឈ្មោះថា“ អ្នកនាង ធំ ” ត្រូវជាភរិយាបានបង្ហោះសាររៀបរាប់នៅលើបណ្តាញសង្គមហ្វេសប៊ុកដោយមានអត្ថន័យយ៉ាងដូច្នេះថា៖ « អូនដឹងថាបងអាចរកស្រីស្អាតហេីយក្មេងជាងអូនបានដោយងាយមានមិនខ្វះ​ ប៉ុន្តែបងមិនអាចរកស្រីណាម្នាក់ ដែលស្រឡាញ់បងខ្លាំងជាងអូនហេីយល្អជាងអូនបានទេ ប្រពន្ធមិនមានពេលគ្រប់គ្រាន់ក្នុងការតុបតែងខ្លួនឱ្យស្អាតគ្រប់ពេលដូចស្រីក្រៅ

ប៉ុន្តែប្រពន្ធ​មានពេលគ្រប់គ្រាន់​សម្រាប់នៅក្បែរ​មេីលថែប្តីនឹងកូនបានគ្រប់ពេលវេលាគ្រប់វិនាទី នេះហេីយជីវិតជាប្រពន្ធ​ ពេលមានប្តី​ស្រឡាញ់​ប្តី​ជាងខ្លួន​ ពេលមានកូន​ស្រឡាញ់​កូនជាងជីវិត​នេះ​ជារឿងពិតរបស់ស្រ្តីគ្រប់រូប នាមជាប្រពន្ធ​ អត់ធន់​គ្រប់​យ៉ាង​ អំរែកសងខាង​ គិតកូននឹងប្តី​ជាធំ កាងារ​ក្នុងក្រៅ​ ធ្ងន់​ស្រាលមិនស្តី​ សុំត្រឹម​លោកប្តី​ ភក្តី​នឹងអូន ជីវិត​ប្តីប្រពន្ធ​ពាក្យ​ថាស្រឡាញ់​មួយម៉ាត់គឺ​មិនគ្រប់គ្រាន់​ទេ​ត្រូវ​មាន​ព្រហ្ម​វិហារធម៌​ មេត្តា​ស្រឡាញ់​អាណិត​​យល់ចិត្ត​ មេីលថែ​យោគយល់​អត់​អោន​អធ្យាស្រ័យ​លេីកលែង​ ជាពិសេស​គឺភាព​ស្មោះត្រង់​ចំពោះ​គ្នា​ ប្រពន្ធ​ស្អាត​ងាយរកណាស់ តែប្រពន្ធ​ល្អរកបានដោយ​កម្រ ចា៎​នេះ​គ្រាន់តែ​ជាសារមួយសូម​ដាស់តឿន​រំលឹក​ដល់ស្វាមី​គ្រប់រូបកុំឱ្យភ្លេច​អាណិតស្រឡាញ់គិតគូរដល់​ប្រពន្ធ​ខ្លួនផង ស្វាមី​ខ្ញុំ​ព្រះករុណា​ ខ្ញុំ​ម្ចាស់​ នាង​ខ្ញុំ​ រាល់​ថ្ងៃ​នេះ​ល្អខ្លាំងណាស់​ៗ​ ពី​ព្រោះ​ថា​រាល់​ថ្ងៃ​នេះ​គាត់បាន​ធ្លាក់​ក្នុង​អន្លង់​ស្នេហ៍​ប្រពន្ធ​ម្នាក់​នេះហេីយ​ » ៕