ភ្នំពេញ៖ តារាសម្តែងកញ្ញាបេនី យុាំង ដែលបាត់មុខស្ទើរតែទាំងស្រុក ក្រោយធ្វើការវះកាត់ច្រមុះជាច្រើនលើកមិនបានជោគជ័យ ដែលធ្វើឲ្យអ្នកគាំទ្រជាច្រើនទន្ទឹងរង់ចាំមើល តារារូបនេះបានកែសម្ផស្សអស់ជាច្រើនដងទៅហើយ ដោយរាល់ពេលដែលកែម្តងៗគឺឃើញមុខពិតជាប្លែកមែនទែន តែអ្វីដែលកាន់តែសំខាន់នោះគឺ នាងមិនធ្លាប់បង្ហាញមុខមាត់ ខណៈកំពុងវះកាត់នោះទេ។

តារាស្រីរូបនេះ មិនបានបង្ហាញមុខក្នុងវិស័យសិល្បៈ ដូចមុនក្ដី ក៏នាងនៅតែទទួលបានការចាប់អារម្មណ៍ពីសំណាក់ទស្សិកជនគ្រប់មជ្ឈដ្ឋានដដែល។ បើនិយាយពីជីវិតឯកជនរបស់នាងវិញ ឃើញថា នាងកាន់តែមានជីវិតហ៊ឺហារ ស៊ីវិល័យ រស់នៅក្នុងវីឡាធំស្កឹមស្កៃ មានជំនួញផ្ទាល់ខ្លួនជាច្រើនមុខ។

ជាក់ស្ដែង មុខរបររកស៊ីក៏កាន់តែជោគជ័យ តែបើក្រឡេកមើលរឿងស្នេហាវិញ កាន់តែរឹងមាំ ដោយមួយរយៈចុងក្រោយនេះ កញ្ញា បេនី យ៉ាំង តែងតែបង្ហោះរូបភាពជាមួយគូស្នេហ៍យ៉ាងផ្អែមល្ហែម។ ជាពិសេស មុននេះបន្តិច នាងបានបង្ហោះរូបភាពថ្មីស្វីតៗជាច្រើនសន្លឹក ហើយរូបភាពទាំងនោះបង្ហាញ ឲ្យឃើញចំណងស្នេហ៍ រវាងនាងជាមួយគូស្នេហ៍កាន់តែស្អិតរមួត មិនចាញ់កាលពេលផ្ដើមស្នេហាដំបូងឡើយ៕ នេះបើយោងតាមផេកហ្វេសប៊ុករបស់នាងបង្ហោះថា៖ «អ្នកណាថាបែកគ្នាហើយមិនអាចត្រូវគ្នាបាន!?

អ្នកណាថាបែកគ្នាហើយពេលត្រូវគ្នាមិនដូចដើម!?

ពួកយើងនៅដូចដើម ពួកយើងអាចយល់គ្នាបានច្រើនជាងមុន

គ្មាននរណាម្នាក់ធ្លាប់មានអតីតកាលដ៏ល្អឥតខ្ចោះនោះទេ

គ្មាននរណាម្នាក់ដែលថាមិនធ្លាប់ត្រូវគេធ្វើបាបនោះទេ

គ្មាននរណាម្នាក់ដែលថាមិនធ្លាប់ប្រព្រឹត្តកំហុសនោះដែរ

តែអ្វីដែលសំខាន់ អតីតកាលក៏បានកន្លងហួសទៅ យើងមិននៅជាមួយវាទៀតទេ 

I don’t want new, I want you »៕