អ្នកបុរាណវិទូកំពុងតែធ្វើកំណាយស្រាវជ្រាវមួយក្នុងការសិក្សាអំពី អំពីប្រវត្ដិទីតាំងបុរាណមួយកន្លែងដែលជាទីតាំងនៃអតីតរោងមហោស្រពនៅភាគខាងជើងប្រទេសអ៊ីតាលី ក្នុងកំឡុងពេលធ្វើកំណាយស្រាប់តែប្រទះឃើញក្រឡពាងដ៏មួយដែលក្នុងក្រឡនោះផ្ទុកកាក់មាសដ៏មានតម្លៃជាច្រើន ក្នុងសម័យកាលចក្រភពរ៉ូម៉ាំង។

ក្រុមអ្នកបុរាណវិទូបាននឹងកំពុងសិក្សាអំពីកាក់មាសទាំងនេះ យ៉ាងហោចណាស់មានចំនួន ១០០០ កាក់មាសដែលមានអាយុកាលតាំងពីយុគសម័យអធិរាជរ៉ូម៉ាំងហើយត្រូវបានគេរកឃើញនៅក្នុងក្រឡពាងដីមួយដែលត្រូវបានរកឃើញនៅក្នុងបន្ទប់ក្រោមដីនៃមហោស្រព Cressoni នៅ Como ភាគខាងជើងនៃទីក្រុង Milan ។

រដ្ឋមន្រ្តីក្រសួងវប្បធម៌អាល់ប៊ឺតូបូទីលី បាននិយាយនៅក្នុងសេចក្តីប្រកាសព័ត៌មានថា "យើងមិនទាន់ដឹងលម្អិតអំពីសារៈសំខាន់នៃប្រវត្តិសាស្ត្រនិងវប្បធម៌នៃការរកឃើញនេះទេ" ។ ប៉ុន្តែតំបន់នោះបង្ហាញថាគឺជាកំណប់ទ្រព្យសម្រាប់បុរាណវិទ្យារបស់យើង។ របកគំហើញមួយដែលធ្វើអោយខ្ញុំនិងប្រទេសជាតិមានមោទនភាពជាអនេក” ។

កាក់ទាំងនេះត្រូវបានរកឃើញកាលពីសប្តាហ៍មុនយោងតាមក្រសួងបេតិកភណ្ឌវប្បធម៌និងសកម្មភាពហើយត្រូវបានផ្ទេរទៅមន្ទីរពិសោធន៍ជួសជុល Mibac ក្នុងទីក្រុង Milan ជាកន្លែងដែលអ្នកបុរាណវិទូនិងក្រុមអ្នកស្តារជុសជុលត្រួតពិនិត្យមើលឡើងវិញនៃវត្ថុបុរាណ។

ក្រសួងមិនបានដាក់តម្លៃលើកាក់ទេ។ ប៉ុន្តែរបាយការណ៍នៅក្នុងប្រព័ន្ធផ្សព្វផ្សាយអ៊ីតាលីបានបង្ហាញថាពួកគេអាចមានតម្លៃរាប់លានដុល្លារ។

កាលពីឆ្នាំ ២០១៦ អ្នកបុរាណវិទូបានរកឃើញកាក់មាសដ៏ចំណាស់មួយដែលមានអាយុកាល ២០០០ ឆ្នាំនៅទីក្រុងយេរូសាឡិម។ កាក់នេះបង្ហាញពីទម្រង់មុខរបស់នីរ៉ូដែលជាអធិរាជរ៉ូម៉ាំងនិងត្រូវបានគេស្គាល់ថាអធិរាជរូបនេះក៏ជាកំពូលតន្ដ្រីករដ៏ពូកែបំផុតខាងការលេងវីយ៉ូឡុង ហើយខណៈពេលដែលទីក្រុងរ៉ូមបុរាណត្រូវបានសត្រូវដុតនិងទំនងជាត្រូវបានវាយប្រហារនៅឆ្នាំ ៥៦-៥៧ នៃគ.ស ។

សូមទស្សនាវីដេអូ៖

សម្រួលអត្ថបទដោយ៖ SOPHEA

ប្រភព៖ CNN