បន្ទាន់ ! អ្នកកើតជំងឺកូវីដ១៩ម្នាក់ ធ្លាប់ទៅទិញសម្ភារៈ និងម្ហូបនៅផ្សារទំនើបអ៊ីអន១ និងស្នើត្រួតពិនិត្យកាំមេរ៉ាសុវត្ថិភាព

ភ្នំពេញ៖ ព្រឹត្តិការណ៍សហគមន៍ ២០ កុម្ភៈ បាននាំឲ្យមានការប្រកាសអាសន្នជាថ្មីជាលើកទី ៣ ដែលកម្ពុជាប្រកាសមានអ្នកឆ្លងច្រើនបំផុតឆ្លងក្នុងសហគមន៍ បន្ទាប់ពីព្រឹត្តិការណ៍ ០៣ វិច្ឆិកា និងព្រឹត្តិការណ៍ ២៨ វិច្ឆិកា។ នេះបើយោងតាមលិខិតមួយច្បាប់ ដែលបានចេញនៅថ្ងៃទី២២ ខែកុម្ភៈ ឆ្នាំ២០២១ នេះ ដោយគណៈកម្មការអន្តរក្រសួង ដើម្បីប្រយុទ្ធ នឹងជំងឺកូវីដ១៩។

ក្នុងនោះលិខិតនោះ បានស្នើរទៅកាន់អគ្គនាយកក្រុមហ៊ុន Aeon Mall (Cambodia) Co.,Ltd ដើម្បីសុំកិច្ចសហការ អោយក្រុមការងារចុះត្រួតពិនិត្យកាំមេរ៉ាសុវត្ថិភាព CCTV។ ក្នុងនោះលិខិតខាងលើ ក៏បានបញ្ជាក់ថា អ្នកជំងឺកូវីដ១៩ម្នាក់ ដែលមានឈ្មោះថា ZHAN JUAN ភេទស្រី អាយុ ៣១ឆ្នាំ បានធ្លាប់ទៅទិញសម្ភារៈ និងម្ហូបនៅផ្សារទំនើប AEON MALL 1 កាលពីថ្ងៃទី១០ ខែកុម្ភៈ ឆ្នាំ២០២១។

ដើម្បីស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ ពាក់ព័ន្ធនឹងអ្នកជំងឺខាងលើ ខ្ញុំ សូម លោក អគ្គនាយក ជួយសហការ និងសម្របសម្រួល ដល់ក្រុមការងារបច្ចេកទេស ចំនួន ០៣រូប ចូលត្រួតពិនិត្យ និង ថតចម្លងទិន្នន័យ កាមេរ៉ាសុវត្ថិភាព CCTV បញ្ជាក់ទីតាំងវត្តមានអ្នកជំងឺកូវីដ១៩ និងអ្នកប៉ះពាល់ នៅក្នុងផ្សារ ទំនើប AEON Mall 1 រាជធានីភ្នំពេញ ដើម្បីបម្រើដល់ការងារស្រាវជ្រាវ និងទប់ស្កាត់ការរីករាលដាលនៃជំងឺកូវដ១៩ ៕

សូមអានឯកសារខាងក្រោមសម្រាប់ព័ត៌មានលម្អិត៖