ស្រីជាម្ដាយម្នាក់នៅតំបន់ មេឡាកា ប្រទេសម៉ាឡេស៊ី មានភាពស្រឡាំងកាំងជាខ្លាំងចំពោះកូនស្រីរបស់គាត់ ក្រោយពីប្រទះឃើញសត្វពោះថ្លាន់មួយក្បាលកំពុងតែលូននៅជិតនៅគ្រែរបស់កូនស្រីខ្លួន បង្កឱ្យមានការឆោឡោយ៉ាងខ្លាំង កំឡុងពេលនាងទៅពិនិត្យមើលកូនស្រីកំពុងគេងលង់លក់ក្នុងដំណេក ។

ហេតុការណ៍នេះកើតឡើង នៅថ្ងៃទី ៦ ខែមីនាឆ្នាំ ២០២១ វេលាម៉ោងប្រហែល ៩ យប់ នៅពេលម្តាយម្នាក់ដែលមានឈ្មោះថា Nurul Fatehah Amran អាយុ ២៤ ឆ្នាំចង់ផ្លាស់ប្តូរសម្លៀកបំពាក់គេងឱ្យកូនរបស់នាង។ នៅពេលដែលនាងចូលទៅក្នុងបន្ទប់នាងបានសង្កេតឃើញអ្វីមួយរលើបរលោងភ្លឺថ្លា មានលក្ខណះជាក្បាច់ៗ នៅជាប់កៀកនឹងស្មារបស់កូននាង ។

នៅពេលនាងបានបីកូនរបស់នាងឡើង ស្រាប់តែអ្វីដែលនាងសម្គាល់ឃើញថាមានភាពភ្រលើបលឺរលោងនោះបានផ្លាស់ទីធ្វើចលនា ឃើញដូច្នេះនាងក៏បាននាំកូនរបស់ខ្លួនចេញពីបន្ទប់យ៉ាងលឿន ដែលបង្កឱ្យមានការភ្ញាក់ផ្អើលទៅសមាជិកគ្រួសាររបស់នាង។ នៅពេលនាងចេញពីបន្ទប់ដោយសុវត្ថិភាពនាងបានពិនិត្យលើរាងកាយរបស់កូនរបស់ខ្លួនដើម្បីពិនិត្យមើលថាតើមានរបួសដែរឬទេ សំណាងល្អកូនរបស់នាងមិនមានរងរបួសនោះទេ។

បងប្អូនប្រុសរបស់នាងឈ្មោះ Fatehah បានទូរស័ព្ទទៅកងកំលាំងការពារស៊ីវិល អាល់រ័កាចា ដើម្បីមកចាប់យកពស់ចេញពីផ្ទះរបស់ពួកគេ។ ! ។

យោងទៅតាមសារព័ត៌មានកូម៉ូ ក្រុមកងកម្លាំង ៤ នាក់នៃកងកំលាំងការពារស៊ីវិលអាល់រ័កាចាត្រូវបានបញ្ជូនទៅដកពស់នេះចេញ។ ពួកគេបានរកឃើញពស់ថ្លាន់នៅក្រោមខ្នើយមួយហើយចំណាយពេលប្រហែល ១០-១៥ នាទីដើម្បីយកវាចេញ។ សត្វល្មូននេះមានប្រវែងប្រហែលមួយម៉ែត្រនិងមានទំងន់សរុប ៦ គីឡូក្រាម។ ពស់ថ្លាន់ត្រូវបានគេជឿថាបានមកពីព្រៃខ្លះនៅក្បែរផ្ទះបន្ទាប់មកអាជ្ញាធរបានយកពស់នេះចេញហើយបានដោះលែងវាទៅកន្លែងរស់នៅធម្មជាតិឆ្ងាយពីតំបន់លំនៅដ្ឋាន។

សម្រួលអត្ថបទដោយ៖ SP

ប្រភព៖ kosmo