ទ្រាំមើលស្ថានការណ៍ពួកយោធាមីយ៉ាន់ម៉ាបង្ក្រាបក្រុមបាតុករលែងបាន! កងទ័ពឯករាជ្យកាឈីនចាប់ផ្ដើមធ្វើការប្រយុទ្ធជាមួយនឹងកងទ័ពមីយ៉ាន់មា៉ យ៉ាងក្ដៅគគុក

យ៉ាំងហ្គោន - អ្នកភូមិជាង ២០០ នាក់នៅសង្កាត់អ៊ីនជីងយ៉ាង ក្នុងរដ្ឋកាឈិនត្រូវបានបង្ខំឱ្យចាកចេញពីផ្ទះរបស់ពួកគេដោយសារតែការប៉ះទង្គិចគ្នារវាងកងទ័ពឯករាជ្យកាឈីន (KIA) និងយោធាមីយ៉ាន់ម៉ា។

ការដកស្រង់សម្ដីរបស់លោកស្រី Ja Seng Hkawng សមាជិកសភាបានមានប្រសាសន៍ថា“ ខ្ញុំបានឮសំលេងកាំភ្លើងនៅពេលដែលខ្ញុំបានទូរស័ព្ទទៅទីក្រុងកាលពីម្សិលមិញ។ លោកស្រីបាននិយាយថាមនុស្សជាង ២០០ នាក់មកពីប្រហែល ៥០ គ្រួសារនៅក្នុងភូមិចំនួនពីរក្នុងនៅសង្កាត់អ៊ីនជីងយ៉ាងបានរត់ចេញពីផ្ទះរបស់ពួកគេ។

យោងតាមប្រជាពលរដ្ឋបានអោយដឹងថាស្នូរកាំភ្លើងត្រូវបានពួកគេឮជាលើកដំបូងកាលពីល្ងាចថ្ងៃច័ន្ទនៅក្នុងសង្កាត់អ៊ីនជីងយ៉ាង ។ កងពលតូច KIA1 និងបញ្ជាការភាគខាងជើងនៃយោធាកំពុងប្រតិបត្ដការធ្វើសកម្មភាពនៅក្នុងតំបន់នោះ។

អ្នកភូមិប្រហែល ១០៩ នាក់បានភៀសខ្លួនទៅព្រះវិហារ។ ពួកគេនឹងវិលត្រឡប់ទៅជំរុំភៀសខ្លួនផាឡាណា [នៅមីនីកគីណា] ។ បូជាចារ្យស្ទេតស៊ូថេង (Stephen Sut Awng) ជាបូជាចារ្យនៅព្រះវិហារកាតូលិកមួយនៅក្នុងភូមិតាំងហ៊ីងក្នុងទីប្រជុំជនមីធីគីណាបាននិយាយថា“ ពួកគេនៅតែជាប់គាំងនៅឯប៉ុស្តិ៍ត្រួតពិនិត្យយោធាមួយក្នុងឃុំតាំងហ៊ីង” ។

លោកវរសេនីយ៍ឯក Naw Bu មន្ត្រីព័ត៌មានរបស់ KIA បានមានប្រសាសន៍ថា“ យើងមិនទាន់ទទួលបានព័ត៌មានពីមូលដ្ឋាននៅឡើយទេ។ យើងនឹងមិនអាចបញ្ជាក់របាយការណ៍នេះទេរហូតដល់ល្ងាចនេះ” ។

នេះគឺជាការប៉ះទង្គិចគ្នាម្ដងទៀតរវាងកងទ័ព KIA និងយោធាមីយ៉ាន់ម៉ាចាប់តាំងពីភាគីទាំងពីរបានចាប់ផ្តើមចរចាបទឈប់បាញ់គ្នាកាលពីខែធ្នូឆ្នាំ ២០១៨ ។ ភាពតានតឹងបានធូរស្រាលនៅរដ្ឋកាឈិនបើទោះបីជាមានការប៉ះទង្គិចគ្នារវាងក្រុមទាំងពីរនៅភាគខាងជើងរដ្ឋ Shan ក៏ដោយ។

កងទ័ពឯករាជ្យកាឈីន បានស្នើទៅបញ្ជាការដ្ឋានភាគខាងជើងកុំធ្វើការបង្រា្កបអ្នកតវ៉ាកាឈិនដោយសន្តិភាពប្រឆាំងនឹងរបបយោធា។ ជាការឆ្លើយតបរបស់មេបញ្ជាការដ្ឋានភាគខាងជើងបានព្រមានក្រុម កងទ័ពឯករាជ្យកាឈីន មិនអោយចូលរួមក្នុងការតវ៉ាដោយនិយាយថាខ្លួននឹងវាយប្រហារក្រុមប្រដាប់អាវុធ ប្រសិនបើមានការអន្តរាគមន៍ពីកងទ័ពកាឈីន ជាងនេះនិងប្រើប្រាស់គ្រាប់រំសេវទៅលើក្រុមតវ៉ាភាគតិចកាឈីន។

ក្រុមកងទ័ពឯករាជ្យកាឈីន បានវាយឆ្មក់ទីតាំងយោធាមួយនៅជិតភូមិសេលហ្សិននៅក្នុងមជ្ឈមណ្ឌលជីករ៉ែត្បូងរបស់រដ្ឋកាឈិននៅសង្កាត់ហាប់ផាន់ធីនៅយប់ថ្ងៃទី ១១ ខែមីនាដែលបានបង្កើនភាពតានតឹងផ្នែកយោធានៅទូទាំងសង្កាត់ហាប់ផាន់តាននិងសង្កាត់អ៊ីនជីងយ៉ាង។

ក្រុមអ្នកតវ៉ាប្រឆាំងនឹងរបបយោធានៅសង្កាត់ Namti និងសង្កាត់ Hopin ក្នុងទីប្រជុំជន Mohnyin នៃរដ្ឋ កាឈីន បានកាន់ផ្ទាំងរូបភាពគាំទ្រដល់ KIA និងបានអំពាវនាវឱ្យសមាជិកសភាដែលបានទម្លាក់ចេញពីការបោះឆ្នោតនៅខែវិច្ឆិកា បង្កើតកងទ័ពសហព័ន្ធកាឈីនឡើងវិញ។

សូមទស្សនាវីដេអូ៖