ស្ថានភាពនៃអំពើហឹង្សាក្នុងការបង្ក្រាបទៅលើក្រុមបាតុករដែលបានប្រយុទ្ធប្រឆាំងនឹងរដ្ឋប្រហារយោធាចាប់តាំងពីថ្ងៃទី ១ ខែកុម្ភៈបានស្ថិតនៅក្រោមភាពតានតឹងយ៉ាងខ្លាំងពីសំណាក់កងកំលាំងសន្តិសុខមីយ៉ាន់ម៉ា ក្រោមស្ថានភាពនេះ បានធ្វើឱ្យចំនួនអ្នកស្លាប់កើនដល់ជិត ៣១១ នាក់គិតត្រឹមថ្ងៃអាទិត្យម្សិលមិញ។

នៅថ្ងៃទី ២១ ខែមីនារបាយការណ៍ព័ត៌មានពីសារព័ត៌មានIrrawaddy បានរាយការណ៍ថាកងសន្តិសុខបានឆ្មក់ចូលទ្រព្យសម្បត្តិរបស់ប្រជាជននៅក្នុងភូមិក្រៅទីក្រុងយ៉ាំងហ្គោន ដែលការខាតបង់មានតម្លៃសរុបគឺជិត 14169.31 ដុល្លា ។

ឧត្ដមសេនីយ៍មីនមីញ៉ាតាយៃ មេបញ្ជាការជាន់ខ្ពស់នៃប្រទេសមីយ៉ាន់ម៉ា ធ្វើដំណើរទៅកាន់ប្រជុំកោះគូហ្គុក វាមានចម្ងាយប្រហែល ៤០០ គីឡូម៉ែត្រខាងត្បូងទីក្រុងយ៉ាំងហ្គោនដែលស្ថិតនៅជិតផ្លូវដឹកជញ្ជូនដ៏សំខាន់បំផុតរបស់ពិភពលោក។ ហើយពន្យល់ដល់ទាហាននិងគិលានុបដ្ឋាយិកាថាហេតុអ្វីបានជាពួកគេដណ្តើមអំណាច។

ក្នុងពេលជាមួយគ្នានេះដែរមន្រ្តីស្ថានទូតចំនួន ៤ នាក់ផ្សេងទៀតមកពីស្ថានទូតមីយ៉ាន់ម៉ាបានប្រកាសចូលរួមការតវ៉ាប្រឆាំងស៊ីវិល (CDM) រួមទាំងលេខាធិការ ២ រូបមកពីស្ថានទូតមីយ៉ាន់ម៉ានៅទីក្រុងប៉ារីសប្រទេសបារាំងដែលបានប្រកាសថាពួកគេនឹងមិនបម្រើការងារឲ្យរបបយោធាយូរនោះទេ។

នេះរាប់បញ្ចូលទាំងអ្នកការទូត ២ រូបទៀតមកពីស្ថានទូតមីយ៉ាន់ម៉ានៅទីក្រុងតូក្យូជប៉ុននិងរ៉ូមប្រទេសអ៊ីតាលីដែលមានមនុស្សជាង ២០ នាក់ដែលមិនបានប្រកាសជំហររួមគ្នា។ មន្រ្តីទាំងពីរមកពីស្ថានទូតមីយ៉ាន់ម៉ានៅសហរដ្ឋអាមេរិក ចក្រភពអង់គ្លេស និងប្រទេសស្វីស ពួកគេទាំងអស់អំពាវនាវឱ្យរបបយោធាទទួលយកលទ្ធផលនៃការបោះឆ្នោតនិងប្រគល់អំណាចជូនប្រជាជនវិញ។

សម្រួលអត្ថបទដោយ៖ SP

ប្រភព៖ Irrawaddy