ភ្នំពេញ៖ ថ្នាក់ដឹកនាំគ្រឹះស្ថានសិក្សាឯកជន១៣៨គ្រឹះស្ថានសិក្សា បានឯកភាពស្នើសុំជួបពិភាក្សាជាមួយភាគីរាជរដ្ឋាភិបាល និងក្រសួងពាក់ព័ន្ធ ដើម្បីស្វែងរកវិធីសាស្ដ្រឈានទៅបើកដំណើរការសាលារៀនឡើងវិញ ខណៈបច្ចុប្បន្ននេះគ្រឹះស្ថានសិក្សាភាគច្រើនកំពុងប្រឈមនឹងការក្ស័យធន និងឈានទៅការបិទទ្វារ នៅរសៀលថ្ងៃទី ១៥ ខែមិថុនា ម្សិលមិញនេះ ។
.jpg?1623920756)
.jpg?1623920757)
កិច្ចប្រជុំតាមអនឡាញកាលពីថ្ងៃទី ១៥ ខែមិថុនា លោក ហេង វ៉ាន់ដា នាយកវិទ្យាស្ថានវ៉ាន់ដា និងជាប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាលើកឡើងថា ជំងឺកូវីដ ១៩ ដែលបានកើតឡើងតាំងពីឆ្នាំ ២០២០ បានធ្វើឱ្យគ្រឹះស្ថានសិក្សាឯកជនរងផលប៉ះពាល់ពេញ ១ ឆ្នាំរួចទៅហើយ។ រីឯឆ្នាំ ២០២១ នេះព្រឹត្ដិការណ៍ ២០ កុម្ភៈ ក៏កំពុងបន្តជះឥទ្ធិពលធ្ងន់ធ្ងរដល់គ្រឹះស្ថានសិក្សាឯកជនដែលនៅមិនអាចកំណត់ការបិទបញ្ចប់បាន។
.jpg?1623920766)
.JPG?1623920762)
ជុំវិញការស្នើរបស់គ្រឹះស្ថានសិក្សាវិស័យឯកជននាពេលនេះ ឯកឧត្តម រស់ សុវាចា អ្នកនាំពាក្យក្រសួងអប់រំយុវជន និងកីឡាលើកឡើងថា ក្រសួងអប់រំ យុវជន និងកីឡា មានជំហរបន្តផ្អាកគ្រឹះស្ថានសិក្សាសាធារណៈ និងឯកជននៅទូទាំងប្រទេសដោយបន្តតាមដាននិងវាយតម្លៃស្ថានភាពព្រឹត្តិការណ៍សហគមន៍ ២០ កុម្ភៈ។ ចំពោះមុខនេះ ក្រសួងអប់រំ យុវជន និងកីឡាលើកទឹកចិត្តគ្រប់ភាគីពាក់ព័ន្ធ ជាពិសេសបុគ្គលិកអប់រំ មាតាបិតា សិស្ស-និស្សិត បន្តអនុវត្តឱ្យបានខ្ជាប់ខ្ជួននូវវិធានការ ៣ការពារ ៣កុំ។
.jpg?1623920769)
.jpg?1623920769)
យ៉ាងណាមិញ គ្រឹះស្ថានសិក្សាឯកជនទាំងនោះ ក៏បានលើកឡើងទៀតថា ប្រសិនបើមានករណីឆ្លងណាមួយកើតឡើង សូមត្រឹមតែបិទផ្អាកត្រឹមថ្នាក់រៀននោះបានហើយ ព្រោះថាការបិទសាលាទាំងមូល គឺនាំឲ្យខាតបង់សេដ្ឋកិច្ចច្រើនណាស់៕
.jpg?1623920778)
