ថៃ៖ លោក Jaturong Mokjok គឺជាតារាកំប្លែងមួយរូបប្រចាំប្រទេសថៃ ដែលបានបង្ហាញនូវសាច់ដុំ៦កង់ទៅកាន់ទស្សនិកជន បន្ទាប់ពីគាត់ងាកមកធ្វើការហាត់ប្រាណដើម្បីឲ្យសុខភាពរបស់លោកមានភាពរឹងមាំ រហូតមកដល់ប៉ុន្មានឆ្នាំកន្លងមកនេះ Jaturong Mokjok ត្រូវបានគេចាត់ទុកជា Idol មួយរូបផងដែរក្នុងការស្រលាញ់សុខភាព។

សម្រាប់លោក Mokjok ដំបូងគាត់អនុវត្តធ្វើការហាត់ប្រាណដោយខ្លួនឯង ប៉ុន្ដែការហាត់ប្រាណរបស់លោកមិនត្រឹមត្រូវនោះឡើយ គាត់បានប្ដូរគំនិតហាត់ជាមួយក្រុមគ្រួសារនិងកូនៗរបស់គាត់ ប៉ុន្ដែនៅតែមិនបានផល ក្រោយមកទៀតគាត់ក៏បានជួលគ្រូបង្វឹកដើម្បីជួយណែនាំពីរបៀបហាត់ប្រាណ រហូតធ្វើឲ្យគាត់មានលំហាត់ប្រាណត្រឹមត្រូវ និងបានធ្វើឲ្យរូបរាងរបស់លោកផ្លាស់ប្ដូរ ពីទម្ងន់ជាង ៨០ គីឡូក្រាម​មានការស្រកជាលំដាប់ ដោយក្នុងពេលឥលូវនេះលោកពេញចិត្តជាមួយនឹងរូបរាងការដ៏រឹងមាំរបស់លោកមួយនេះជាខ្លាំង៕

សម្រួលអត្ថបទដោយ៖SOPHEA

ប្រភព៖kapook